Pu Lalmuana kan then ta

Pu Lalmuanpuia Fanai, kum 42 hi Pu Thangridema (L) leh Pi Chuauhnuni (L) te fa 10 zinga 8 na niin 1967 ah a lo pianga unau 9 neiin 20 June 1992 khan P.C. Vanlalruati nen an innei a, Fa paruk(6) an nei.
Piantharna changin Evangelist Lianthanga chu 1987-1990 thleng Councellor angin a zuia. Kohhranah Sunday School zirtirtute niin a lo awm ve thin a, nimahsela a nun hlui lamah let lehin, a taksa pawh enkawl ngai khawpin a lo awm phah ta a ni.
Calcutta ah te hruai a ni a, a taksa ten a tlin loh avangin ataptawm ta telh telh a. Inah a awm chawt a ni ber mai. Pathian thu awih tur leh tawngtai turin kan hrilh reng thin. A hriselna a that loh avangin leh englai pawh a liam mai thei anih avangin, a thlarau chhandam nan nasatakin kan tawngtai reng thin. Pathianin min chhang niin kan hria a, a theih ang tawkin Pathian hnenah a tawngtai thin.

Amah hi mi hrisel lo, diabeties nei a nibawk a, thureng anih avangin a taksa te pawh a rih belh nasa hle a. Hun engemaw chen atang khan tiang hawl lo chuan inchhungah pawh a kal thei lo a ni. Tin, 7.2.09 (Inrinni) atang khan a khua a sik a, a tlun tel avangin 8.2.09 (Sunday) khan a thisen test a ni a, UTI (zunin) a nei tih hmuhchhuah a ni. A thaw te a hah deuh avangin Nebulizer te pek a ni a. Doctor te enkawlna dawngin an thurawn angin 9.2.09 hian damdawi inah dah lut turin buatsaih a ni a. Wheel chair a a thu a han tho chhuak chu, rei lo teah a chatthla ta a ni