YMA Membership Fee khawn dawn

Branch YMA Executive Committee in a lo rel tawh angin YMA membership fee Rs.2/-, Endowment fund Rs.2/-, Section fund Rs 1/- member pakhatah khawn a ni dawn a, chubakah Chhiatni fund Rs100/- chhungkaw tinah Section ten an mahni Section huamchhungah theuh an rawn khawn dawn.

YMA membership fee kan pek dawn hian enge kan pek chhan tih chiang taka kan hriat tlan theih nan YMA member nih awmzia sawifiah hmasa ila.
Hmanlaia kan pi leh pute khan a khaw pum huapa an intihhlim ni-ah an chaina mual zawl sir remchang laiah thingtuai emaw thing remchang dang emaw Ft.4 vela sangin an phun a, chu chu ‘Thingserh’ an ti a, a bulah chempui leh zu inna tur no nen an chhawp bawk.
Chutianga a khaw mipui an intihhlimnaa an chai mup mup lai chuan mi huaisen leh tlawmngai falte chuan chu thingserh chu chem chuan an sat kauh a, a bula zu chu an in zauh bawk a, ngawi rengin an thiante bulah an va chai leh mai a. Hemi awmzia chu ‘Kan lal leh khawtlang tan ka rinawma, kan khawtlang tan ka rinawma, kan khawtlang tan sa leh ral hmaah ka tlanchhe lovang’ ti a an intiamkamna a ni.