Home »

THLANMUAL THAR KAN NEI TA!

13 June, 2009 3 comments

Tar lan tawh angin he thlanmual thar (ITI Mualpui-a Pu Lalchhandama Dam Veng ram) leina tur pawisa hi khawtlangin a neih mai loh avangin vengchhunga mi awmthei, Pathian malsawmna dawngte hnenah tlawmngai tura ngenin an sum leh pai tam tak chu khawtlang tan liau liau ui lova pe in, June 12, 2009 (Zirtawpni) chawhnu lam khan Dawrpui Thlanmual tur ram 65 Bigha chu Rs. Nuai 27 in lei fel alo ni ta.

Mipuite mawhphurhna : Vengchhung mi thenkhat ten an sum leh pai khawtlang tana ui lova an hmanhawh tirna azarah Thlanmual Thar kan lo nei ta a. Hemi pawisa khawtlang hminga kan bat teuh hi mipui leh chhungkaw tin ten kan rulh alo ngai ta a ni. Khawtlang pawl hrang hrang hruaitu Joint Committee chuan ruahhmanna a siam a. Chhungkaw tinten kan thawh theih ang tawk nia an hriat kum khat chhunga tlak tur min rawn tuk dawn a. A duh tan tum khata pek vek theih a ni ang a, tum hnih tum thum pek emaw thla tina pek emaw pawhin a tih theih ang. Hei hi MHIP Dawrpui Branch ten thawhlawm ip siamin an bawhzui dawn a ni.

Pu Rosangliana (P&Sons) te chhungin Rs. 1,00,000/-(Cheng nuaikhat) he thlanmual leina atan hian a thlawn liau liau-in an rawn thawh bawk a, veng tana an inphalna a ropuiin an fakawm a, an chhungkaw chungah khawtlangin lawmthu a sawi mawlh mawlh a ni.

3 comments »

  • Pezo said:  

    a ropui hle mai. Mizo nih chu a nuam thrin teh e. Mi inphalte Pathianin min pe zel hi a khawsak harsa zawkte tan malsawmna a ni.
    Tun ang huna hmun hnai tea ram lei tur in la hmu pawh hi in vannei kher mai

  • Bja Hauhnar said:  

    Nia, nakin ah chuan 'Dawrpui Vengin Thlanmual thar Saiha bulah kan nei ta' kan ti ang tih hi a sawi theih loh. Ka rilru a awm mai mai chu chhungtin hian thlanmual ah hian hmun bik nei i la. Thuk tak Feet 20 vel hian lai i la, chuan chu thlan hmang tur chuan Chhungkaw member a in register te tan chauh a hman tur ni se, a chhawng hian inphum ta mai i la....te ka tia...

  • A_es said:  

    Bj-a rawtna chu kan lo ngaihtuah dawn nia :) ngaihtuahna awm ve thei tak chu a ni. Eng emo avanga han inphawrh ngai leh ta si se buaithlak viau mailo maw, thildangah chuan a tha khop mai, hmun a luah zim bok dawn c a...

    Hetia thlanmual thar hmun tha tak vengin kan han nei ta mai hi a lawmawm hle ami, hmalatu hruaitute leh sum leh pai thawhtu leh min puktirtute an fakawm e!

  • Leave your response!

    Han sawi ve teh le.