Home »

Valtea kan chan ta

26 June, 2009 7 comments

Pu C. Lalrinmawia (Valtea) hi Upa Mankunga leh Pi Laithuami te fa upa ber dawttu a ni a, kum 1967, June ni 1 khan Aizawl Civil Hospital-ah a piang a, an unau upat dan indawt chu hetiang hi a ni :-
1] Dr. C. LALRINTLUANGI w/o Upa H. Zoliana
2] C. LALRINMAWIA
h/o C. Lalnuntluangi
3] C. LALRINKIMA (Mapuia)
h/o Lalawmpuii
4] C. LALRINSANGA (Matea)
h/o
Ruby Zothankimi


CHHUNGKUA : Kum 2003, July 24 khan C. Lalnuntluangi d/o Pu Hranghrima (L), Republic Veng nen Dawrpui Presbyterian Kohhran Biak Inah Rev. H. Zalawman a inneihtir a, tunah hian fa pahnih an nei a, chungte chu :-
1] Ruth Lalrinengi (kum 5) 2] Lexis Lalrinzawna (kum 1 ½)

A MIZIA : Pu C. Lalrinmawia hi mi zaidam, fiamthu thiam leh rualpawl thiam tak a ni a. Amah hi naupang ngaina tak a ni a, a unau fate pawh a fiamin a chhawnchhaih peih em em thin a, anni pawhin an hmangaihin an ngaina em em theuh a ni. Kutthemthiam leh inchhung khur chet vel pawh peih tak mi a ni a, eirawngbawl te thlengin a thiamin a peih em em bawk a ni. Mi khawngaihthei tak a ni a, an in chhunga lo leng lut, tute pawh tha taka lo dawngsawng thin mi a ni a, a unaute leh a chhungte pawh mi zawng zawng chunga that chhuah thin turin a fuih fo thin. Mi thilphal tak a ni a, a neihchhun ngawih ngawih pawh a mamawh zawkte tana ui lova pe phal zel mi a ni bawk.

A NAT DAN : June 12, 2009 khan thaw-hah avangin Greenwood Hospital-ah dah luh a ni a. Doctor ten investigation an tih hnuah Chuap TB leh mitliam a nei tih hmuhchhuah a ni a. A natna hi tawngtaina nen chhel takin a tuar fan fan a, tha chhuak leh mai tura kan beisei laiin rin loh takin June 25, 2009 chawhnu lam atang khan a chau zual a, zan dar 8:12 khan, “Ka chawl hahdam tawh dawn”, tiin chatuan ram min lo pansan ta a ni.

7 comments »

  • Chicco said:  

    Ngaihawm dawn khop mai. Dawrpui mi hlun an thih hi chuan kan chhungkua min la nghawng zawk zel.
    U Valtea, ngaihawm dawn hle mai.
    Musician tha tak, inpho chhuak phei se chuan lar em2 tur Rest in Peace.

  • A_es said:  

    @ Chicco. Ni e, Valtea hi music lama tuimi leh thiam tak, musical instruments chi hrang hrang hi a khawih thiam deuh vek tih theih a ni. Mizoram Synod-in P.S. Chawngthu kaihhruaia violin zirna a buatsaihah khan zirchhuak hmasa berte zinga mi a ni ve bawk a, hetiang mi naupang tea kan chan hi veng mipuiin kan tuarin kan ui hle.

    Tin, chubakah a kut themthiam zia a thih zan khan ka zuk hmu ve a, alo nep lo hle mai. Kan la ui dawn chauh a ni.
    RIP

  • Lalruata said:  

    U Valtea hova 98 kuma "The Unclouded Day" kan sak tuma a drums khak nalh zia kha ka theihnghilh tawh ngai lovang. Amah thlah nan ka hlan nghal e.

    "O they tell me that he smiles on his children there
    And his smile drives their sorrows away
    And they tell me that no tears ever come again
    In that lovely land of uncloudy day"

    A_es Hot Combination Re-Unoin kan ko mai dawn???

  • A_es said:  

    Hot Combination i rawn sawi chhuah chuan lung a va ti leng kher ve ele! Re-Union chiah ila...drums stick 1 poh ka la nei ania :)

  • Lalruata said:  

    TK-a hi engtin nge kan zawn chhuah ang???

  • samuelapa said:  

    Valtea chu khua a tihar dawn hle mai a...

  • burgerstud2005 said:  

    A fate ka rilruah an lang hmasa.Ka khawngaih reuh hle mai.

  • Leave your response!

    Han sawi ve teh le.