Rs.25 lakhs sanction tawh
28 November, 2009
10
comments
Nov. 26. 2009 (Zirtawp) zan dar 7:00-ah Dawrpui Multipurpose Centre Demand Committee chu Dawrpui School, YMA Committee room-ah neih a ni a.Hetah hian hmalakna hrang hrang report ngaihthlak a niin, Pu Malthantluanga, Vice President, Dawrpui V.C. in Sorkar lam atanga lehkha rawn lut te leh hmalaknate report a pe a. Local Administrative Department-in Park siamna atan cheng nuai sawmhnih panga (Rs.25 lakhs) an rawn sanction tawh thu a sawi a, Demand Commitee chuan lawmawm a ti hle a ni.
Hmalak zui zel dan tur sawi ho a ni a. Chaktaka hmalak zui zel a tul thute sawi a ni a. Sorkar leh khawtlang indawrna chungchangah Village Council hnenah engkim thlen vek thin a nih tawh avangin Committee chuan DMCDC aiawhin Dawrpui Village Council leh Dawrpui Multipurpose Centre Demand Commitee Office Bearers ten a tul angin chak takin hma lo la se tih a ni. He hmalakna hi Village Council kaihruainain kalpui nise tih a ni bawk.
Hman theih loh pawisa in pek hi engzat a tam pawh nise lawmawm ka ti ve lo. Hman nghal a nih loh chuan he pawisa sanction tawh hi kir leh mai thei niin ka lo hre deuh lehnghal. A lawmawm lam ngaihtuah lo hian hman nghal a nih theih nan Sorkar lamah hma lak thuai thuai nise a lawmawm lehzual ngei ang.
Rs. 25 Lakhs chuan ban khur pakhat tal chu laih a hun tawh fuuu ni....
pawisa a tam tham bawk a, hmalakna lo thlir phawt teh ang....a thu ni lova, a tak thlen hun a va nghahhlelhawm ve...
Multipurpose Centre hi a thu chuan kum 1 kan nei tling tep tawh.... :)
Engtik ah nge a hlawhtlinna kan hmuh ang aw.....a tak a thlen hunah ka awih ve thei tawh tur a nia......
A tak a thlen hunah a awih lo tute zawng a hawnniah thingpui sen tak nguk chuah an in ang :)
'Demand' kan ni tawh lo, kan hmu tawh! Chuvangin a construction leh kan mamawh tur sum sanction tawh (Rs. 25 Lakhs) bakah kan la mamawh zel tur Rs. 6 crore chuang Sorkar hnena nawr chhuak a, kan Multipurpose Centre a puitlin theihna tura hma lo la turin DMCDC (Dawrpui Multipurpose Centre Demand Committee) chuan Village Council leh DMCDC Office Bearers te kutah mawhphurhna a hlan a, anni hian chak takin hma an la nghal dawn a, beiseina sang tak nen i lo thlir phawt ang u....
Demand kan ni tawh lo kan ti maw! ngaihtuah chiang teh u. Kan Demand chu Hospital Compound Virmep tlang kan tih ah hian "Dawrpui Multipurpose Centre din ni rawh se" kan ti a ni lawm ni. Tunah hian din a ni tawh em? Din a nih hma chuan kan Demand hi a hlawhtling ka ti ve thei lo.
Kan pu te'n "Kan hlawhtling tawh" an tih chuan tlak duah lovin hlawhtling tawh ah in ngaih mai tur.... :)
Rs. 25 Lakhs awm sa reng pawh kan hman theih si loh chuan a la hlawhtling chiah lo ava nih hmel ve, unaupa!