Home »

Medical Science

11 September, 2010 5 comments

Damdawi lama Medical Science in enkawlna hi tunhma chuan Doctor leh Pharmacist kutah a awm deuh rawt a. Tunah chuan Computer leh Internet-te alo awm ta a, Doctor zir ve lem lote pawhin engemawzat hriat tur alo awm ta a. A that viau rualin kan hmang thiam lo deuh thin niin a lang a. Laymen (Doctor ni lo) chuan a hriat tur pawimawh ber chu a damdawi lei a dik em? ni engzat ei tur nge? a expired (thi) em? eng natna atan nge a ei? tih hi hriat chian tur a ni a. A bak Cancer-te leh natna hrang hrang Internet-a en leh chhim ve teuha rilru tihah ta chiam mai hi an tam mai a, MBBS kan zirlai pawhin natna kan han zir chiah chu nitin mai hi kan zir apiang hi neiin kan inhre zel mai a. Kan zirtirtute pawh kan inentir fo
reng a ni. Hetiang deuh hian hre ve deuh riai ruai la hrechiang tak tak silo hi enkawl buaithlak tak an ni reng a. Kum nga leh chanve zet han zir hnu erawh chuan a dang ta daih thin.
Thil hriat zau chu a tha, mahse ziktluak silo a, mahni rilru tihhrehawm hi a hlauhawm ber a. Cancer inring tlat kum thum kum li vel in check-tir hnu pawha Cancer theilo ka hre hnem mai. Engmah ngaihtuah lo leh hriat loh lutuk erawhchu a dik lo. Doctor hriat tur chin leh Doctor lo hriat tur tawk a awm a. Hriatfiah duh chuan zawhfiah mai tur a ni.
Entirnan, pumpui na (Ulcer) nei kan tam em em a, pumpui alo thip a, a na deuh a, hrehawm ul in a awm a. Pumpui damdawi (omniprazol, Antacid-Digene, Ulgel etc.) kan han ei a, mahni thuin kan ei a, hetianga a
lera lo thuai bun mai hi a enkawl dan a ni lova. Engvanga Ulcer nei nge a nih? tih kha Doctor hmuhchhuah tur zawk a ni a. Tunlaiah phei chuan pumpui Ulcer/Na tam ber chu Kuhva ei tam, Meizial zuk leh a pawimawh ber Mit-a lungte awm hi a ni deuh ber a. Mit (Goll bladder) leh Kal (Kidney)-a lung awm pawh paih ringawt kha a damna ala ni lo fo; Engvanga lungte kha lo awm nge? tih hriat a ngai a. Chu chu a pumpui natna chhan bulpui ber a ni thin. Mizo hi kan thil ei avang nge? Uric Acid hi a sang em em deuh vek a, (Gout kan tih mai hi) hei hi lungte siamtu tam ber a ni a. Chutichuan pumpui na reh hleithei lo, Doctor zawng zawng inentir kual tawh phei chuan a ni deuh zel a. A enkawlna chu Gout (Uric Acid) tam tur ven leh a lungte paih a ni ta a nih chu! Lungte siamtu ber kha Ulcer awmna chhan a nih avangin enkawl loh chuan lungte dang alo insiam leh tho thin.
Hetiang anih avang hian Internet leh lehkhabu tlanglawn-a ziak ang ngawt a ni lo tih i hrethiam tawh ang u.
- Dr Thangchungnunga, MS (Ortho)

5 comments »

  • ^-||RaLtE||-^ said:  

    Little knowledge is dangerous an lo ti reng a ni.

  • Zkima said:  

    Inti fing, fing si lo nih hi thil pawi deuh a ni.

  • A_es said:  

    Nuho tamtak hi an buaithlak ber, an ei ang apiang ei ve turin an in choh chhong zela, nuho thutkhomnaah cuan Doctor 4 vel tal zel an awm ang ani an tih kha.. :)

  • jona said:  

    a ziaktu MBBS zirlai nen khian ka va inang om ve hehe

  • Unknown said:  

    Kan fing tulh2 a nga kan hrethiam zel dawn a ni.....finna kailawn DAwrpui www a luh hi a manhla thin mang e....

  • Leave your response!

    Han sawi ve teh le.