Home »

Ha Na

01 May, 2011 3 comments

Ha na hi kan tam em em mai a, nei lo aram pawh hi kan awmlo emaw tih mai tur a ni. Ha hi hahlam (Tla leh mai tur)l hi kum khat an han nih chuan hahmai tha tak tak an nei mai a, mahse nu leh pa kan la changkang lo deuh a, naupangte hi an ha nawh saka zirtir thin tur a ni. A bikin (A tlem berah) zing leh zan mut dawnah nawh thin tur a ni. Thil thlum Chocolate, kurtai, sweet leh ha kara tang duh chi ei reng reng chuan ha nawh vat tur, heng hi naupang te atanga zirtir an ngai. Brush hman dan te hi a hmawr zum lam hian hahni chhun lo zawnga ken tur a ni. Tam takin an ha that nan ti a Calcium lo mawl pek ta chiam te pawh an awm a, Calcium ringawt hian ha a ti tha lova, taksa pum pui, a bikin thin (Liver) te, a chak that loh chuan ha tana pawimawh Florine te, Baron te taksain a hip thei lova, ha a muat hma thin. Kum 6 atangin ha tak tak chu alo to tan leh a, hei hi chu enkawl ngun hle a ngai tawh a ni, dam chhung atana hman tur anih tawh avangin. Kan ka chhung hi natna hrik sang telin a khat a, thil thlum leh sa te hi natna inthlah pun awlsamna ber a ni. Chuvangin sa hmeh te leh ha kara tang awmte a awm chuan kher chhuaha tihfai zung zung tur. Tul lem lova ha kher vak vak erawh a tha a tha lem lo. A chhan chu ha leh ha inkar a tizau tam a, bawlhhlawh
tanna a siam tam ting mai a ni.
I ha emaw i fate ha emaw a lo nat chuan nachhawkna pe ngawt lovin, a theih chuan Dental Surgean hnenah hruai vat a him ber. A nih loh chuan hahni te alo puam a, a then ha tona bula zungkaihna laiah te natna hrik alo insiam thei a, ha alo nget a, a nghing a, a thawn mai thei a ni. Tin, a chhungril taka hnai ala a nih phei chuan ha na hi na tak a ni a, a tuar ve lo tan phei chuan hriat thiam rual a ni lo. Ka ha nat tumin (Sunday zingah) tumah pan tur an awm si lova, a na lutuk hi ha pawh nilo chhipah hian ana ber zawkin a hriat a. Keimaha ka ha kan pawi chuh na ngan ngan tak a ni, mahse minute 3 hnu lekah na lo ang hmakin a awm leh ta a. Heng zawng zawng pumpelh leh titha tur hian tuna naupang te te atanga ha nawhfai ngun pawimawh zia te, engpawh ei ila kam fai taka thuah a pawimawhzia hi habit-a nei khawpa kan inzirtir a ngai a ni.
Ha nawhna te pawh khauh lutuk hman a tha lem lo. Upat dan azira hman turte ha var thalo tana Toothpaste hman turte a awm vek tawh bawk. Keini naupan lai chuan meihawl rawt dip te kha ha tih varna awmchhun a ni mai a, tunah zawng engkim a awm ta. A pawimawh leh chu, nuin nau a pai laiin Calcium a tlakchham viau chuan naute ha to a tha thei bik lo tih hriat tur. Mawngkaw bul vel aiin ka chhungah hian a letin natna hrik a tam tih hre reng ang che. Thisen chhuak khawpa an inseh chuan a pun ngei ngei tluk a ni. Kan ha hi Pathianin kum 100 aia tam daih tura a siam a ni a, i enkawl that leh that loh azir a ni mai.
- Dr Thangchungnunga, MS (Ortho)

3 comments »

  • Michael Fanai said:  

    Pathian zarah ka vannei, ha lamah buaina ka nei ngailo hlauh

  • A_es said:  

    'Ha na hi a na ber mai e' tih hian a ril, a na a ni top. Brush hman dan hi chu ka hria mhse kei mi hmanhmawh hi chuan ka nawt leh bawrh2 zel mai, thalo tak chu ani tih chu k hre tho

  • Lo leng ve rawh said:  

    "Kum 6 atangin ha tak tak chu alo to tan leh a, hei hi chu enkawl ngun hle a ngai tawh a ni, dam chhung atana hman tur anih tawh avangin"

    He lai thu hi a tha ka ti hle mai. Meihawla nawh hi a that viau ka ring tlat a, meihawl hian thil a hip(absorb)khawm hneh em a ha kara natna te pawh a hip fai that ka ring tlat.

  • Leave your response!

    Han sawi ve teh le.