Dawrpui Multipurpose Centre-ah kan hnatlang

[ 31 July, 2011 | 2 comments ]

- BigDaddy Pachuau
Dawrpui khawtlang mipuite duh ang ngeiin Zoram mipuiin tangkai taka kan hman theih nan Dawrpui Multipurpose Centre chu kan sorkar chak tak chuan min ruahman sak ta mek a. Hemi kutthlak bul tanna atan hian ni 16.7.2011 (Inrinni) chu ruat a ni a.
Nghakhlel takin zirtawp zan vuiliam in, Inrinni tuk kan han thova, khua a chhia in ruah a tla duh hle mai a. ‘Hetiang chuan hnatlang chhuak kan va tha awm love aw’ ka ti rilru a. Hmanhmawh vak lovin tuk thuan eikham a hnatlang tura ka chhuak phei chu, kan thalaite leh veng nu leh pa khati zat mai hnatlang tura thawk chhuak an lo awm thup mai kha mak ka ti zawk hle mai a.
Remruatna fel tak hnuaiah kan Local Chairman Pu Zosangzuala’n hneh takin min kaihruai. Dawrpui Presbyterian Upa Rokamlova’n kan Multipurpose Centre leh hnatlang Pathian hnenah a hlan hnuin, kan Bialtu MLA, Minister, H&TE etc. Pu Lalsawta thusawi thatak leh kan veng inlungrualna thatzia a rawn sawi chhuak khan Dawrpui veng min hriatchianzia leh min ngaihtuahzia a tilang hle mai. Kan Multipurpose Centre din theihna

Half Yearly Meet 27-na

[ 26 July, 2011 | 3 comments ]

Dawrpui Pastor Bial KTP Half Yearly Meet Vawi 27-na chu July ni 23 &24, 2011 chhung khan Saron Veng Kohhran Biak Inah neih a ni a. Thupui Rom 12:1–2 tlawhchhanin ‘Ringtu nun Danglamna’ tih chu Upa Dr. Lalnundanga, Chaltlang South Kohhran Upa Speaker-a hmangin tum li thupui a sawi a ni. An lo tih thin angin Hla leh Bible Quiz-ah intihsiakna neih a ni a, Branch tin atanga member thahnem tak ten Halleluia (Chorus) leh Rom lehkhathawn hmangin intihsiakna thianghlim tak an nei ni.
Result kimchang :

Tui hawk

| 2 comments ]

Tunlai chu ruah a sur duh bawk a, tuihawk a awm deuh reng a, ka kal zau viau lo na a, Dawrpui-ah pawh naupang tuihawk dai a kal lui tlat, tuihawk dai chak ka hmu nitin mai a. Hei hi a tha lo em em a, tunhma kan naupan lai chuan tuihawk kan khuap a, kan cheng thin a. Khang avang kha ani khat ang chu rulhut kan pai nasat em em thin kha. Rulhut-ah hian Hook Warm bik hi ei leh in lam nilo in, ke zungtang kar no laiah hian an lut a, thisenah an kal a, rilah bu an khuar ta thin a ni. Thisen an hip nasa a, a vei an awm chuan an dang lap thin.
Tunah chuan khawpui deuhah chuan pheikhawk bun lo a ram kan awm ta lova, ek in kan nei vek bawk a, hei hian he hook worm (rulhut) hi chu a tirem thawkhat in a lang. Mahse, kan khawtlang hrim hrim nun hi ala

Multipurpose Centre-ah hnatlang tan

[ 17 July, 2011 | 4 comments ]

Multipurpose Centre sawrkarin kan dilna min remtihsak angin Aizawl Civil Hospital Quarter hmun hlui chu Multipurpose Centre atan kan buatsaih tan ta. Khawtlang mipuiten Inrinni (16 July, 2011) khan hnatlangin he hmun tur atana hna tul hmasate an thawk tan ta.
Dawrpui Khawtlangin kan mamawh leh kan duh ngawih ngawih, mipuite hawi thawvenna tur leh Zoram tana kan tih ve theih tawk (kan lo tih fo tawh) Mitthi, ruang chhuak tur sawngbawlna tur “Multipurpose Centre” chu Sorkar-in min lo pe ta a. A lawmawm a, a hlu a, thangthar thlenga kan la chhawr tur leh Zoram mipui, a bikin thingtlang lam unau ten an la chhawr em em tur a ni.
He hmun hi thisena kan sual chhuah kan ti thei hial ang. Chuvangin, hlut thiam ila, ngai hlu thiam ila, thenkhat chuan awmlo pawh an ti. Mahse, kan han hmang zel ang a, a awmna leh a tangkaina hi Zoram mipui leh Dawrpui khawtlang hian kan la hre dawn chauh a ni. Sorkar lam pawhin chak takin hma min lak sak zel turah ngai ila, a changtlungna tur leh a nih tur a nih theih nan tan la zel se. Kan khawtlang hruaitute leh helama mawhphurtute pawhin a nawr ngai leh tihtheitute lam berawn tam se, a duhawm hle ang.

Pi Lalnguri kan chan ta

| 0 comments ]

Pi Lalnguri Sailo (Kum 84) Dawrpui West (Pu RS Thanga building) chu July ni 17, 2011 chhun dar 12 khan Cancer avangin a boral a, July ni 18 Thawhtanni chhun dar 12-ah Dawrpui Thlanmualah vui a ni,
A chanchin : Pi Lalnguri Sailo hi a pa chu Pu Lalkhuma Sailo (L) a ni a, a nu chu Pi Thangseii (L) a ni. Kum 1927-ah Khawhai ah a piang a. Khawhai atangin Hriphaw-ah an chhuk thla a, a pa hian Bunghmun-ah Lal na a chan tak avangin Bunghmun lamah an phei a, hetah hian inbengbelin an awm ta a ni. Rengdil Lal fapa Khawtinchawma (Taia) nen an innei a, Rengdil-ah a awm a. Amah hian pianpui unau paruk neiin fa paruk

Thisen Hlu

| 0 comments ]

Mihring nunna leh thlarau hi khawiahnge a awm? He zawhna hi khawvel awmtirh ata Science thiamna pawhin ala chhan fel fak theih loh a ni. A chhanna ber ni awma lang chu kan Bible-ah “Sa thisen erawh chu ei reng reng suh, nunna chu thisenah a awm si a.” tih a ni a, hei hian a hrilhfiah deuh ber awm e.
Thisen hi a hlu em em a, a tello chuan nun theih a ni lo. Tlangval sek teng tawng pawh vawi leh khatah a thisen litre 3 vel han hipchhuak se, a thi mai dawn a ni. Chutih laiin thluak te chu a lehlam paih vek pawhin an thi chuang lo. Chuvangin thisen hi kan taksa tan chaw tha, Oxygen sem darhtu, natna hrik man khawmtu leh min tinungtu a ni. Kan hriat lar em em Hb (Haemoglobin) test kan tih pawh hi thisen ti sentu a tam leh tam loh enna a ni a, a tam loh chuan mi an dang bel a, an nung sarh lo thin. Chuvangin thisen tha nei tur chuan ei leh in tih that a ngai a, thil chikhat chauh ei teuh kan ching hi a tha lo. Kan ei dan tur

Alfred-a (2 ½yrs) kan chan ta

[ 16 July, 2011 | 0 comments ]

Alfred Lalchhandama (Pu P.C. Lalthlamuana, Dawrpui West tupa) chu July ni 8, 2011 (Zirtawpni) khan Accident avangin Civil Hospital-ah a thi a, a tukah vuiliam a ni. Alfred-a hi June ni 4, 2009-ah Civil Hospital naupang duhawm tak niin a lo piang a, naupang than tha leh hrisel tak a ni a, ni 9 July, 2011 khan hlim tak a naupang dangte nen an infiam lai chu a chesual palh ta a, Civil Hospital panpui nghal a ni a, Doctor leh Nurse ten theih tawp an chhuah chungin a hliam tuar lovin a boral ta a ni.

Pu Lalchhandama kan chan ta

| 0 comments ]

Pu Lalchhandama hi Pu Japanliana leh Pi Laiveti te fa hmasa zawk ni in 12 July 1981 khan Civil Hospital Aizawl ah zing dar 9:30 khan alo piang a, R.M Hall, Bazar Corps ah anu leh pa ten Pathian hnenah hlanna 1981 vek khan an nei.Naupang harhvang leh fel tak mai, thian pawl nuam ti mi leh thiante leh chhungte tihlim thei tak mai a ni a.Zirna lamah chuan Dawrpui Primary School, Dawrpui Middle School ah leh High School chu Vaivakawnah te a kal a ni.Kum 2007 khan 3rd IR Battalion ah tling ve in Thenzawl PTC ah a training a, chumi hnu ah chuan Kawnpui PS ah dah a ni a, Thenzawl PTC ah 4th IR battalion ah insawnin tunah Bungthuam

Ran seh

[ 05 July, 2011 | 0 comments ]

Tunlai hian Sazu seh, kut zungtang pan/pun an tam riau a. Hei hi thil pawi tak a ni a, vantlang hriattur chu, ran leh mihring seh reng reng chu a hlauhawm vek tih hriat tur. Ui a seh phei chu kan sawi fo tawh thin angin kum 90-ah pawh a la lang chuak thei tho thin. Tin, heng bawng, vawk, ar, sazu leh zawhte leh ui seh ho hi thi chhuak khawpa seh a nih chuan a rang thei ang berin tuiah silfai nghal la, damdawi inah Titenus venna leh a punlohna a in chiu nghal a, a balh phei chuan zaifai a ngai thin. Hetianga tilo a, tuar mai mai a, pun leh si, kutzungtang kan paihsak hi an tam em em mai a. Kut rau rauah kut zungpui leh zungchal hi a pawimawh bik a. Kut zungpui i neih chuan a dang neilo mah la mi tih theih za a sawmnga chu i ti ve thei tho ang. Kut zungpui neilo a, a dang i neih vek chuan za a sawmnga i tithei lo zawk ang. Hetiang hi anih avangin kut zungtang tinhna pan leh vungte hi ngaihpawimawh em em tur a ni. Nitin nun a tihbuai theih zia hi han neilo chiah la, i hre mai ang.

Tin, kan taksaa natna chi hrang hrang englai pawha tamna ber chu kan ka ha leh a chhung vel hi a ni tih hriat tur. USA-a an research-ah chuan ka chhunga natna hrik awm aiin mawngkuaa natna hrik awm hi a letin a tam zawk tih an hmuchhuak a. Chuvangin, in kiss mai maite hi felfai that loh chuan tih mai chi a ni lo. Mihring seh