Home »

MS-a kan chan ta

17 February, 2012 0 comments

Tv. Malsawmdawngliana (K 42) hi May 1, 1970 khan Pu LK. Siama (L) leh Pi Buangi te karah Saipum khua-ah a lo piang a, an unau hi mipa 3 leh hmeichhia 5 an ni.
MS Dawngliana hi kum 1986 khan Mizoram Home guard-ah lut tanin Aizawl-ah post a ni a, hemi hnu kum 1991 khan Mizoram Police MRP ah lut chho lehin, Champhai-ah Post a ni. Kum 2000 khan Aizawl-ah transfer niin, Aizawl PS Quarter-ah hian an chhungkua, a nu leh pa a unaute nen hlim takin an cheng ho a ni. Dawrpui venga an awm chhung hian KTP leh Kohhran-ah te pawh a theih ang tawk tawkin a in hmang ve thin a, Naupang Sunday School-ah te pawh zirtirtu a lo ni tawh thin bawk. Amah hi mi zaidam leh nunnem tak, thian kawm thiam tak leh mi pawi sawi ngai lo leh kawm nuam tak a ni.
Kum 2011 December thla vel atang khan a taksa insawiselna neiin, natna eng eng emaw-in a tlakbuak chho

va. Doctor pawh an rawn kual nual thin a, chuti chungin ziaawm lam a pan thei meuh lo. Feb 11, 2012 (Inrinni) zan dar 10:00 vel khan a khawsik a reh theih tak loh avangin Aizawl Civil Hospital-ah admit niin, hetah hian a ziaawm hlei thei chuang lova. Feb 13, 2012 (Thawhtanni) khan a that chhuah leh ngei beiseiin Synod Hospital, Durtlang pan pui leh a ni a, hetah pawh hian that lam a pan thei meuh lova. Chuvang chuan ICU ah dah luh nghal niin, a that chhuah leh ngei beiseiin Doctor leh Nurse ten theihtawp an chhuah a, mahse a natna chuan zual lam pan zelin, Feb 16, 2012 (Ningani) zan dar 9:40 khan chatuan ram min lo pan san ta a ni.

0 comments »

Leave your response!

Han sawi ve teh le.