Sentut (Measles)
21 April, 2012
0
comments
Tunlaiah chuan kan changkang ve ta deuh a, Sentut dik tak tun hmaa nasa taka taksa a rawn sen bawl chhuak kha a awm ngai ta meuh lo. Mahse, Sentut awm tirtu ber hi Vurus natna hrik, damdawi awm miah lo a ni. Hritlang te pawh hi a ni tho mai. Damdawi pe la ni sarihah a dam ang a, damdawi engmah pe lo la kar khatah a dam ang.Hetiang hi a nih avangin Virus hi engzatnge awm pawh Medical Science-ah hian hriat kim a la ni lo. HIV-te pawh Virus chikhat a ni a, hei tak hi treatment a buaithlakna chu a ni. Sentut te hi a la awm reng a, vei an awm zeuh zeuh fova, kan mizo upa ten damdawi tha an lo tih, Saisiak hnah sawra hnawiha a tui intir bawk tur, hei hi a ngeThakpui ih em em ve tho mai. Hritlang emaw Sentut emaw pawh nise, khua asik tel anih chuan Doctor rawn a damdawi ei chu a ngai tho thin. Mahse heng ho hi khua a sik vak lem lova, a sik chuan natna dangin a
tlakbuak a ni fo thin. Saisiak pawh hi a lem family dang deuh a lo awm leh a, a tha ber chu kan ram original Saisiak kha ala ni.
Pathian hian kan ram Mizoram hi a duhsak bik nge, a bik deuhin a siam? Kan hnim hnah, thlai leh a dangte hi damdawi engemaw bera hman chi vek an ni a, medical plant nilo tawp hi sawi tur a tam lo hle. Kangthai te, Thakpui te pawh a zung hi damdawi-ah hman a lo ni leh zel a. Chuvangin kan ram thing leh mau, thlai leh hnim reng reng hi duat taka enkawl a hun hle a, kan la hmuchhuak dawn chauh a la ni. Tun hmaa Tlangsam par vul chuk thin te pawh kha, khawpui (Aizawl) ah chuan hmuh tur a awm ta lo. Khangte kha “Tlangsam pemthar atan a tha” tia lehkhabu-ah meuh kan lo zir tawh an ni a, hengte hi a boral zo mai dawn a ang ta hle.
Chuvangin, Pathianin min duh angin, a thilsiam zawng zawngte hi tichereu leh tirethei lovin, duat taka enkawl i tum teh ang u. Kan vela mi te nen kan awm tlan thiam loh chuan kan rethei ting mai a ni.
tlakbuak a ni fo thin. Saisiak pawh hi a lem family dang deuh a lo awm leh a, a tha ber chu kan ram original Saisiak kha ala ni.
Pathian hian kan ram Mizoram hi a duhsak bik nge, a bik deuhin a siam? Kan hnim hnah, thlai leh a dangte hi damdawi engemaw bera hman chi vek an ni a, medical plant nilo tawp hi sawi tur a tam lo hle. Kangthai te, Thakpui te pawh a zung hi damdawi-ah hman a lo ni leh zel a. Chuvangin kan ram thing leh mau, thlai leh hnim reng reng hi duat taka enkawl a hun hle a, kan la hmuchhuak dawn chauh a la ni. Tun hmaa Tlangsam par vul chuk thin te pawh kha, khawpui (Aizawl) ah chuan hmuh tur a awm ta lo. Khangte kha “Tlangsam pemthar atan a tha” tia lehkhabu-ah meuh kan lo zir tawh an ni a, hengte hi a boral zo mai dawn a ang ta hle.
Chuvangin, Pathianin min duh angin, a thilsiam zawng zawngte hi tichereu leh tirethei lovin, duat taka enkawl i tum teh ang u. Kan vela mi te nen kan awm tlan thiam loh chuan kan rethei ting mai a ni.
- Dr Thangchungnunga, MS (Ortho)
0 comments »
Leave your response!
Han sawi ve teh le.