Dawrpui South Welfare 'Get Together'

[ 30 December, 2017 | 0 comments ]

- V. Lalnunthara, Secretary

Pawltlak thla ni 28 (Ningani), 2017 nileng khan Dawrpui Veng a Zodin leh Bazar Bungkawn inkar a chengte, Dawrpui South Welfare chuan leilung piantirh ata Get Together Vawi 1-na kan nei a, Pathian hruainain hun hlimawm tak kan hmang.
He hun hi Berawtlanga Art & Culture Auditorium-ah hman a ni a, member 140 lampang kan kal thei a ni. Session I-naah Pu Vanhmingliana Chairman-in inkhawm a kaihhruai a, kalkhawmte inlawmna thu a sawi. Pi Rodingliani Home League Treasurer chuan hunserh a hmang a, Tv. V. Lalnunthara (Mathara) Secretary-in kum 2017 chhunga welfare hmalakna annual report a pe a, member-te inpeknaah lawmthu a sawi. Hemi hnu hian Pu C. Lalawmpuia, Treasurer chuan Finance report a pe, Pu VLT Muana leh Pu C. Lalbuanga Senior Adviser ten thuchah an sawi bawk a, Pu Lalvuana Ngente, Finance Secretary-in ṭawngṭaiin banna a siam.
Session II-naah Inhmelhriatna leh Inlawmna hun hman a ni a, Pu David Remruata, Assistant Secretary-in hneh takin a kaihhruai a, welfare member zaithiam hrang hrang ten zaiin mipui an awi bawk a, zaithiam inthup tak tak zai chuan Dawrpui Idol thlanna la neih nise tih chu ngaithlatute ngaihdan tam ber a ni. Hemi hnu hian fatu ten tui taka an siam chawhlui kilhona neih a ni a, Get Together hman chu kalkhawmten zawngchhang thlak an ti hle a ni.
Dawrpui South Welfare hi kumin 2 Feb, 2017 zan dar 8:15 khan din a ni.

2017 chhunga kan ṭhen takte

| 0 comments ]

Kum 2017 chu Pathian kaihhruaina in kan lo hmang ral leh dawn ta chu a ni der mai a, chutih rual erawh chuan vanduaithlak tak maiin kan hmangaih leh duhlai tak tak min kalsan tate kan hre reng a, heng a hnuaia tarlante (mi 15) hi kumin chhunga van kohna min chhansante an ni a, hunpui alo inher chhuah hian an chhungte tan veng mipuiten i ṭawngṭai pui ṭheuh ang u.


1.Pu Michael Lalthlamuana, K-32 T.Sec
2.Pu V.Laichhinga, K-74 V.Sec
3.Pi Hmingliani Gohain, K-74.Ch.Sec
4.Pu R.Laltanpuia, K-78, T.Sec (Med.Qtr)
5.Pi S.L.Chhungpuii, K-90,V.Sec
6.Tv. Lalruatfela (Apple-a), K-22, Ch.Sec
7.Pu Vanlalrova (Marova), K-51, Ch.Sec
8.Nl Lalchhandami, K-23,Ch.Sec
9. Pi Vanthangpuii, K-73, V.Sec
10. Pu Hrangkhuma, K-47, V.Sec
11. Tv. Jonathan Lalramchhana(Kiddy-a), K-36, T.Sec
12. Pu Pazawna, K-64, Ch.Sec
13.Pu VL.Sanglura (Pu Lalmama), K-85, T.Sec
14.Lalfaksangi (Hlamzuih)D/o Lalnunsangi(Sentei), V.Sec
15.R. Zomawia (Zotea) H/o Lalrintluangi (Nupuii), Ch.Sec 

Dawrpui Thlanmualah Veng pawn mi hlamzuih 3 phum a ni a, ruang thawn chhuah kuang kan tum sak Zokhaw lam leh Aizawl Chhung Veng danga thawn chhuah hi mi 10 zet an awm bawk a ni.
Tin,Vengchhung mi Pi Lalsangkimi (K-36) Vanapa Sec M/o Tv. Ramherliana, Br. Executive Member chu Jan ni 9, 2017-a  thi chu an mahni in I.T.I Vengah phum a ni thung a, zanah lumen a ni a, Dawrpui aṭang pawhin member ṭhahnem takin menpuiin Vuina thlengin member engemaw zatin an ṭawiawm bawk, ani  hi Ruang thawn chhuah-ah chhiar tel a ni.
Vengdang ngaihtuah chuan mitthi kan nei tlem hle mai a, a lawmawm takzet a ni. Tin, Dawrpuiin kum 15 chhung hian kan neih tlem ber kum a ni hial awm e!

MÛP-ten MZU tlawh

[ 29 December, 2017 | 0 comments ]

December ni 20, 2017 (Thawhlehni) khan Dawrpui M.Û.P Unit-te chuan Mizorama zirna in sang ber Mizoram University Tanhril an tlawh a, zing dar 10-ah chhuakin, bus 1, motor te 2 leh scooty 1 nen an vaiin Pathian hruaina in mi 42 lai an kal thei a ni.
Chawhma dar 11 velah a hmun an thleng a, a gate an thlen veleh zun ram thiarna te an neih hnuin Security Guard pakhat, Tv. Reuben-a'n a hruai kual a, Department hrang hrang a fanpui bakah Central Library an tlawh thei bawk a, hlawk thlak an ti hle a ni. Chhun dar 1-ah ei tur tuihnai tak an  siamsakte an ei ho a, hemi hnu hian MZU campus chhunga an Auditorium changtlung leh chhuanawm tak hmaah a huhoa thlalakna hun hlimawm tak an nei leh a, chawhnu dar 3 khan tluang takin Kan Veng an rawn thleng leh thei a ni.

Krismas leh Kumthar

| 0 comments ]

- Dr.Thangchungnunga.MS.(Ortho)
Kumin, 2017 krismas leh kumthar chu kan ur leh ta tluk tluk mai chu ani a. Hman tum dan erawh a in ang lo thei viau hlawm awm e. Chanchin thar chi hrang hrangah HIV, AIDS, HEPATITIS C, B, CANCER  tihte kan hre zing em em a, hei vang hian kumin chu rilru thianghlim taka hman i tum ang u. Kumtin maia he hun zu, sa leh sex ang zawnga free taka hman hun tur ang zia zanga mi tam zawk kan inpuahchah hi sim a hun hle.
Zu in ngailo in an in ṭan hun, vaihlo zuk \an hun, sex hman \an hun, fawr leh suahsualna chi hrang hrang tih \an huna kan hmang \hin hi tuman an sawi duh lo na a, kum tina thil thlen dan ani tih erawh phat rual ani lo.
A bikin tleirawl leh nula tlangval in Pathian lam aiin nawmchen lam uar kan tum a. Hei vang tak hian Civil Hospital-a kan duty lai atang tawh khan February leh March a lo ni  chho a, nau pai, sawn pai, paih duh si an

KRISMAS LEH KUMTHAR ROPUI TAKA LAWM TUM

| 0 comments ]

Isua Krista khawvel chhandamna tura alo pianna hriatrengna Krismas chu naktuk lawkah hian kan lo thleng leh dawn ta reng mai a. Hlim leh lawm taka inbuatsaihna nasa tak nen hman tum a ni. He hunpui lo thlengah hian mi tam tak ten Isua lo piang lawmna denchhenin mite thilpek an pe a, an rinna kawngah an inhlan thar a. Hetih lai hian kan veng Branch YMA, MHIP leh vengchhung Kohhran leh pawl engemaw zat te pawhin ṭanpuina an semchhuak bawk.
Dawrpui khawtlangah harsatna lian tham awm loin he hun hi kan thleng a, damlo pawnchhuak theilo erawh an awm nia hriat a ni, khawtlang boruak a nuam a, Dawrpui vengchhunga awm, Kohhran hrang hrangte Krismas hman tum dan i han thlir thuak thuak ang.

PRESBYTERIAN : Dawrpui Kohhranah hian chhungkua 390-ah member 1841 an awm mek a. Nakum 2018 hi Dawrpui Kohhran kum za tlina lawm turin an inbuatsaih mek bawk a ni. 
Kumin Krismas leh Kumthar hi Biak inah a huhoa hman a ni ang a. Krismas Ni (Dec ni 25) leh Kumthar Ni (Jan ni 1) chu Thingpui ruai kilho tum a ni a, Dec ni 26 leh Jan ni 2-ah te ruai ṭheh a ni ang. Krismas atan hian Vawk 5 leh Bawng 2 ruahman a ni a, Kumthar ruai atan Vawk 4 leh Bawng 1 (A len dan a zirin) ruahman a ni. Krismas ruai atan hian Pu John Rotluangliana te chhungin vawk an thawh a, Kohhranho an lawm hle.
Tin, hnamdang Biak in sa mekte leh Multipurpose satute tan Krismas ruai buatsaihsak an tum bawk.
Kohhran member 15 velin Krismas lai hian Chokihola, Barak Area-ah Crusade hmangin zin an tum. Zaikhawm - Lengkhawm leh Solfa a hranin neih a ni ang. Kum upa 70 chung lam leh damlo leh chaklo bik tan a bika ruai\hehna siam sak an ni bawk ang.

SALVATION  ARMY (BAZAR CORPS) : The Salvation Army, Bazar Corps, Dawrpui te chuan nakum hian an dincham kum 80-na an thleng dawn a, tunah hian kohhran member Sipai 600 chuang an awm. Krismas

Cricket-ah Amatea'n record siam

[ 16 December, 2017 | 0 comments ]

Tv Lalhmangaiha Ralte (Amatea) S/o Varlungmuana, Chawngbawla Section (Dawrpui West) chuan Mizoram Cricket chanchinah Record thar a siam a, Cricketer zingah Innings khata run siam hnem ber a ni. Amatea hian Mahuma Memorial Tournament-ah Chanmarians batsman niin, Run 122 a vaw chhuak a, hetiang zat Run hi Indian Cricketer zingah vawchhuak tawh awm mahse Mizo Cricketer zingah hetiang zat vawchhuak thei hmasa ber a ni.

YMA Keyboard pe

| 0 comments ]

Pu T.H. Vanlalreia, Taitesena Section (Jail Veng) te chhungkua chuan an u, Pu V.L. Sanglura (Mama) 1st December, 2017 (Zirtawpn) tuk dar 6:30-a boral ta hriatreng nan Branch YMA-ah Keyboard tha tak an pe.

Local Badminton Tournament 2017

[ 05 December, 2017 | 1 comments ]

Dawrpui Fan Club buatsaih ni 3 awh R. Lalsangzuala Memorial Badminton Tournament chu tluang takin 30th Nov, 2017 (Ningani) khan zawh ani ta a, he tournament hi vengchhung bik  tana buatsaih ani a.
He Tournament-a a bik taka sawm Pu K.Thanchama (Pu Chama) Saron (Kum 78) chu inkhel zinga upa ber ani a, a naupang ber chu Michael  Rinzuala (S/o Lalbuatsaiha, Vanapa Sect) niin kum 9 ani. 
He Tournament hi a hlawhtling hle niin a lang a, players 62 lai an in ziak lut a, doubles veka khelh niin 30th Dec, 2017 (Ningani ) tlai dar 5-a final match 3 khelh a champion-te chu heng mite hi an ni :-
U-19 Joseph Lalruatfela & Hlupuia
Mens Vanlalhriata (Gola) & Zothanpuia
45 above Zohminga & Lalfakzuala

Dawrpui West kawng ṭha lawm

[ 26 November, 2017 | 0 comments ]

Hun rei tak Dawrpui West kawng chu motor leh ke-a kal tan pawh hrehawm khawp hiala a chhiat hnuah PWD, Local Council leh mimal ṭhahnemngaihna avanga cement concrete-a ṭha tak maia siamṭhat alo ni ta chu Dawrpui West mipuite an lawm em em a, Dawrpui West Committee hmalaknain 18th Nov, 2017 (Inrinni) khan ruai nen ropui takin lawm a ni a. He hunah hian vengchhunga NGO hrang hrang hruaitute an sawm angin eng emaw zatin an telpui bawk a ni.
Chawhnu dar 1 khan Pu B. Darchhinga building, Cotton Mills-ah inkhawmna neiin Dr. R. Rualthansanga, Chairman, DWWC-in kaihruaiin Technical report a pe nghal a, BCM Bethel Kohhran Upa H Rumliana’n hunserh a hmang a, thusawi - Pi Baby Zosangzuali, Chairman Local Council, Pu Lalsawta, Bialtu Minister, Engineer-in-chief PWD, Pu Robert Romawia Royte te bakah mi chi hrang hrang hnen a\angin thusawi ngaihthlak anih hnuah Dawrpui tlangval zaithiam em em Tv. Vanlalmalsawmkima’n zaiin mipuite a awi a, zaithiam an ti hle a ni. Pu M. Councilthanga, Prominent Citizen-in Citation hlanna a neih hnuah Pu V. Lalawia, Asst. Secy-in lawmthu a sawi a, chumi hnuah ruai ropui takin ṭheh zui a ni. He kawng ṭha neih lawmna hi Pu Vana (LPS) chuan video coverage a rawn nei bawk.



Exercise

| 0 comments ]

- Dr.Thangchungnunga MBBS.MS (Ortho)
Tunlai chu kan hriselna kan uluk ṭan ta deuh in a lang. Kan hriat reng fo atana ṭha chu exercise, taksa insawizawi hi kan tih tawh rau rau chuan kan dam chhunga kan tih a ngai tawh ṭhin. Tuktin i inkhel ziah anih chuan i awmna hmun leh kalna apiangah leh sawrkar hna i thawk a nih pawhin i awmna apianga i tih theih  tur ang chi hi thlang zel la a fuh ber awm e. 
Exercise tih hian taksa pumpui  tih chet tur ani a. Mizo te hi exercise la peih lo ber kan ni awm e. Hmanni a nula pakhat ka en chuan, ‘Tunlai chu exer ka la regu vak lo a, cherna damdawi min lo chawh teh’ zu han ti mauh a. Exercise leh regular pawh lam pum peih lo chuan a lak ṭhat vak hmel loh hle.
Exercise hi inchhung veranda, kawt kai leh kawng dung te, field-ah te pawh a lak theih vek a. Thawmhnaw nalh leh mawi tak, pheikhawk mawi tak a ngai kher lo. Duhthusam phei chuan phaitual hnim chungah ngei, ke lawngin tlan ila a ṭha ber. A theih loh pawhin kan veranda-ah emaw a awl sei deuh laiah sipai kal kan tih mai, ke tlawn kal a ke zung\ang a\anga kut leh taksa, awm leh  dul, a nasa thei ang bera in san phek a, kut zungṭang pali hi

1st Marama Memorial Futsal Running Tournament

| 0 comments ]

Dawrpui Fan Club-te buatsaih 1st Marama Memorial Futsal Running Tournament chu Dawrpui vengchhung tournament anih angin players 66 vel an inziak lut a, team 11-ah thendarh an ni. 18 November. 2017 (Inrinni) chawhnu dar 3:30-a Dawrpui School kawt-a final match-ah Team ‘E’ leh Team ‘I’ te inkhelin Team ‘I’ hian 2-1 in hnehna an chang a ni. 
Muanzova goal 4 khungtu chu top scorer a thlan niin, best player atan goalkeeper ṭha tak-a team-te final hruai thlengtu Nathan-a chu thlan ani.
Champion Team-te hian Trophy mawi tak leh ball leh pawisa fai Rs. 2000/- an dawng.

Pu K. Lalvuana’n Chawimawina dawng

[ 18 November, 2017 | 0 comments ]

Mizoram Entrepreneurship Development & Monitoring Committee (MEDMOC)chuan Mizoram sumdawng zinga mahnia bul ṭan a, mahni kutkawiha ding, midangte tana eizawnna siamsaktu hlawhtling zualte hnenah chawimawina a hlan a, chung zingah chuan Dawrpui pa, Pu K. Lalvuana (Kelvi International) chu Manufucturing Sector (Mipa) ah Chawimawina a hlan. Vengpa hetiang Chawimawina dawng thei kan nei hi  kan lawmpuiin kan chhuang hle.

Ṭawngṭaina avanga chhanhim

| 0 comments ]

 Kum 1912, April ni 15 Sunday zan chuan, pil thei lova an ngaih Titanic lawng chuan North Atlantic tuipuia vur tlang lian tak mai chu su-in mi sang chuang fe maiin vur tui vawt êm êm maiah chuan thihna an tawk mek a. Chu lawng lian tak maiah chuan Colonel Gracie-a pawh a chuang tel ve a. A nupui lah chu mel za tam tak danah America-a an in nuam tak maiah chuan alo awm a, mahse a muhil thei hauh lo mai a. Thil eng emaw takin a mawlh a, a pasal chu dinhmun hlauhawm takah a awm nia hriatna a nei a, tichuan a pasal chu Pathian venhimna a chan theihna turin a theih tawpin a ṭawngṭai ta a. Zankhuain a ṭawngṭai ta a, zing dar 5 alo thleng der mai a. Tichuan a thinlungah thlamuanna dawng nia a inhriat tak avangin a muhil ta a.
Chutihlai ve thung chuan Colonel Gracie-a chu nunau hmeichhia leh naupangte chhanchhuah an nih theihna turin lawng sipaite ṭanpuiin alo buai ve êm êm mai bawk a. Chhanchhuahna lawng chu passenger zawng zawng chhanchhuah nan chuan a tlem lutuk tih a hria a, ani chu a tel ve thei dawn lo tih pawh a inhrechiang êm êm a ni. Engpawhnise, lawng lian chu hnuai lam tui vawt tak mai pana a pil thlak dawn thleng chuan a chhuahsan chuang lova; tichuan lawng chawp chuan an pil thla ta vawn vawn mai a. 
Chutah, vawi khat na na na chu tui chungah chuan a rawn lang chhuak leh a, mak tak maiin chhanchhuahna lawng khaikhup lo lang chu a hmu ta tlat mai a. Midang rawn inhaichhuak ve dang nen chuan chu lawng te chu an vuan ta a, zing nichhuah ṭanpuitute lo thlen thlengin. 
Colonel Gracie-a nunna chu chhanhimin a awm ta. Chu zan, Colonel-a nupui ṭawngṭaina ngei chu Pathian chhanna ni-ah ngaiin Kristian rinawm tak dam chhuak ve te chuan Pathian-ah lawmna ropui tak an chhar hlawm ta bawk a ni.
Ṭawngṭaina hi kan himna ber  ani.
- Vanhmingliana (Taua)

Dawrpui-ah Security Guard!

[ 11 November, 2017 | 0 comments ]

Dawrpui Khawtlang Hruaitute Joint Committee chuan “Kawng hrang hranga kan khawtlang a ralmuan a, a lo him zawk nan Security Guard rawih nise,” tiin a rel a. November thla chanve aṭang hian rawih ṭan theih tura hmalak a ni.
YMA Kumpuan Committee neih ṭumin sawiho a  lo ni tawh a; 'Local Council-ah thlen nise', tih  anih angin Local Council chuan NGO hrang hrang YMA, MHIP leh MUP te Joint Committee neih pui lehin ṭum 2/3 an sawiho hnuah Security hi rawih an tithlu ta a ni.
Duty chuan enge an tih ang ? Ruahman dan chuan chhun leh zan a duty tur a ni ang a, chhun lam duty hian  chhun eng pawh zah lova ruihhlo zuar leh hmang ṭhinte an man ang a, khawtlang dan dinglai anga Step leh kawngsir vela mipui tana hnawksak, thil zuar ṭhinte an veng ang a, vengchhung zawng zawng erawh chu mi 2/3 tan chuan tuam sen a ni lo maithei? Zan lamah vengchhung leh khawlai dung ralmuanna turin duty hi an awm bawk ang a, zana khawlai tiralmuanglo - Zu rui, KS etc an vil ang a, dawr neitu tan pawh dawr vengtu an ni nghal

Ka rin ve phawt chuan

| 0 comments ]

- Vanhmingliana (Taua)
He thupui hi Kristiante zingah chuan mi tam ber ṭawngkam chhuak a ni hial awm e. A dik khawp mai ‘rin’ hi a lo pawimawh em a tin a ni. Nimahsela, kan kamchhe tleuhna maia kan sawi anih erawh chuan ram ropui tak min thlen hauh lovang. Tu nge ka rin? Engnge ka rin a chu? Tih hi chiang taka hriat leh nuna kalpui chi ngei pawh a ni ang em tih te I lo chhui dawn teh ang.
Pathian Lehkhabu, Pathian Thawkkhum :
Tirhkoh Paula hi a pianthar atang khan Isua rinnaah a innghat tawp mai a. Rinna thu ngawt mai vah vaih puiin kum sawm pali hnuah Jerusalem-ah tirhkoh dang te nen thawh ho dan tur ngaihtuahin a han zin chho a. Galatia khuaa mite hnena Paula’n a lehkhathawn a ziah lai hun hi chuan, “ Thuthlung Thar” kan tih tak hi a la piang rih lo tih hriat a pawimawh a. Paula kha Thuthlung Thar lehkhabu ziak hmasa ber tu a ni. Chanchin tha bu pali te zingah chuan chanchin tha Marka ziak hi a hmasa ber a ni mai thei, hei pawh hi Paula dam lai (AD.65) khan ziah a la ni hman lo. Galatia khua mite hnena lehkhathawn a ziah hnu kum sawm panga velah chauh ziah a ni tihna a

DAWRPUI BOXING, KICK-BOXING, MUAYTHAI & WRESTLING CLUB

| 0 comments ]

Dawrpui Ṭhalaite Sports discipline hrang hrangah hmasawnna kan neih beiseiin Nov ni 1 (Wed) khan Dawrpui Boxing, Kick-boxing, Muaythai leh Wrestling Club din a ni a. A hnuaia tarlante hi Office Bearers (O.B.) te an ni :-
President - Pu Lalhlimpuia Khiangte
Vice President - Pu Vanlalchungnunga(Laichaia)
Secretary - Tv. Samuel Lalrozama Hmar
Asst. Secretary - Tv. Rinchhuanawma
Treasurer - Nl. Abisac Lalhruaitluangi
Fin. Secretary - Pu Zothanpuia
Nov ni 9 zan dar 7:00 khan Dr. Thangchungnunga In (Dawrpui West) ah O.B. Meeting Vawikhatna neih a ni a. He Meeting-ah hian ni 14.12.2017 (Zarkawt Recreational Centre) – a neih tur Aizawl District Wrestling Championship-a Dawrpui aiawha tel turte chung chang ngaihtuah a ni.
Nov ni 6 khan National Muaythai Championship, Shillong-a neih zawh takah Dawrpui Muaythai Club aiawha kal Pu Y.F. Masih-a tute pahnih Ian Lalremruata leh Lalmuanawma ten Gold an la ve ve a, hetianga Dawrpui hming ti ṭhatu kan nei chho zel hi Dawrpui Muaythai Club chuan kan chhuang takzet a ni.
Sd/- Secretary

Thlanmual Hnatlang

[ 10 November, 2017 | 0 comments ]

4th Oct, 2017 (Inrinni) nileng khan Dawrpui thlanmual kan hman mek chu Dawrpui Branch Y.M.A. hmalaknain sam fai hnatlang neih a ni a, member ṭhahnem tak an thawkchhuak a ni.








Vanapa Section infuihtharna neih a ni

[ 05 November, 2017 | 0 comments ]

- C. Lalrinpuia, Secretary
Vanapa Section
Vanapa Section Committee Vawi 5-na in alo rel tawh Vanapa Section committee member, mitthi thing khawn, Dawrpui News, Zalen Chanchinbu sem te infuih tharna neih chu Dawrpui Branch Y.M.A. Executive Committee hnena dil a nih hnuah Executive Committee Vawi 9-na chuan rem a tih sak a, Vanapa Section Committe aiawhin lawmthu ka sawi a ni. 
Infuih tharna hi ni 03.11.2017(Zirtawpni) khan neih a ni a, member \hahnem tak kan kal thei a ni. Dawrpui Branch Y.M.A. Vice President leh Secretary ten min tel pui thei a an chungah lawmthu kan sawi tak meuh meuh bawk.
Hunserh hi tlai dar 4-ah \an a ni a. Tv. C Lalrinpuia, Vanapa Section Secretary chu Chairman niin infuihna thuchah hi Pu Lianzama Pachuau, Branch Secretary hnen a\angin ngaihthlak a ni a, Vanapa Section hmasawnna atana thu pawimawh \ha tak takte ngaihthlak a ni. Infuih tharnaa kal ten kan hlawkpui hle.
Chawngbawla Section OB leh Taitesena Section OB ten min rawn tel pui thei a, an chungah kan lawm hle bawk a ni. Kan inpumkhatna \hat zia leh section hrang hrangte Dawrpui Branch Y.M.A. hnuaiah taksa pumkhat kan

Thau leh mawm

| 0 comments ]

-   Dr.Thangchungnunga, M.S. (Ortho)
Thau , mawm leh hmuihmer hi kan ei nasa in kan duh hle a. Tunhma kan pi pu te kha chuan ei tur an hmu meuh lova. An vawk vulh lian \ha, vawkpa sutnghak emaw, kumkhatah vawikhatte an talh thei \awk a, chu pawh mi zawng zawngin an ti thei lo. Chumi thau chu an er chiam a, kum tluanin an ring ta \hin ani. Mawm leh thau lam an ei tlem hle. Vai len hnu f>-ah tel, giu (ghee), coconut oil te alo awm \an a. Tunhma chuan sama thihah pawh savawm hriak te an hmang mai \hin.
Tunlaiah chuan tel chi hrang hrang, ghee \ha tak tak te kan nei ta \euh mai a. Kan ei leh in pawh a mawmin hmuihmer a tam ta >m >m a. Kan naupang \hang lian mekte hi an thauin  an fit lo ta hle  hlawm mai ani. Nu leh pa pawh thau pui pui an tam ta. Thau leh mawm kan ei hi a tam ta lutuk a. Thau, mawmah hian cholesterol chi

Mahse…..

| 0 comments ]

- Enga Ralte
Mahse' tih \awngkam hi thu mal tawi te; awmze thui tak nei si a ni . A thu  mal a tawi na vang vang hian Hmarcha te ang ma in a thak hrak thung a.“ Mi chanchin kan han sawia, “an thatna lai kan han mal khalh ngar ngar a,“ a tawlhpanal kan han thleng dawn chiah a, chutih lai taka kan thusawi phetthlu zawt thei leh sawh sawn dawrh thei khawpa thumal thiltithei chu a ni.
'Mahse' tih tawngkam hi mihring te Hero atanga Zero a min siam thei tu a ni a.“ Kan tih \hat vawi sawmkua leh pakua chhilh bo hmak a, kan vawi khat tih sual te lek pawh vawrh kang dawrh thei khawpa thiltithei a ni.
He thu mal hi Inlehkhaden na a Joker kan tih ang maia thiltithei hi a ni a, thumal kara kan zeh zeuh tawh chuan thil kal dan thlak danglam vek thei leh midang te vaw chhe vek thei khawpa thiltithei a ni.“ He thu dengkhawng tak hi 'Thu Mangkhawng' ti pawh in vuah ila kan sawi sual tam awm lo e.“Kan hla phuah thiam Pu Rokunga pawh khan, 'Ka pianna zawlkhawpui' tih hla chang khatna ah khan Aizawl khawpui chu, "Ka pianna Zawlkhawpui,

Vanapa Section Nite 2017

[ 28 October, 2017 | 0 comments ]

Vanapa Section Nite cum 2017 Sports Champion lawmna chu ropui takin Zirtawp zan (27 Oct, 2017) khan Dawrpui School Hall-ah Vanapa Section huaihawtin lawm a ni a.
Pu K. Jacob Remruatfela, Leader chuan hneh taka kaihruaiin Branch President Dr. SR Zonunthara’n thu sawina hun a hmang bawk a ni. Dawrpui Branch KṬP aiawha Praise On member-ten hla ṭha takin an rawn nei thei a. Hunserh-ah hian kumin chhunga Section member boral tate sunna hun hman a ni.
Secretary report leh lawmthu sawinate ngaihthlak anih zawhin Local Council Chairman Pi Zosangzuali’n ṭawngṭainain Thawhkhatna hun hi a khar.
Thawhhnihnaah hian Tv. Ramherliana leh Nl. Christina Lalrinthari-ten hneh takin an rawn kaihruai a, zaithiam

Kristian i ni ve em?

| 0 comments ]

- Vanhmingliana (Taua)
“Setana’n buh thlei anga a thlei theihna tur che u in, nangni ho hi a dil che u asin;
nimahsela I rin a bo loh nan ka ṭawngṭaisak che a ni”  (Luka 22:31,32)
Petera, khawngaih thlak tak leh tar tawh tak hi tu emaw takin an ṭawngṭaisak a ngai rêng a ni. A chak viau emaw a intih laiin a chaû hle si a. Tân ina kal a, Isua Krista tana thih pawh kha a huam a ni a. Nimahsela, vawi thum lai a phatsan leh si anih kha. A chang chuan kan nihna leh kan nihna kan  inhriat dan leh midang ten eng ang mi nge kan nih an hriat dan hi a inang lo hle ṭhin. Vawi khat chu Pastor pakhat hian Baptisma class-a hmeichhe naupang kum 12 mi chu zawhna a zawt a, “I nu leh pa te Kristian an ni em?” tiin. “An nih ka ring lo. Milem chhuahnaah an kal a, thawnthu bu an chhiar a; an inhnialin an inhau reng ṭhin a, chhungkaw worship pawh kan nei ngai lo” a ti a. Pastor chuan biak ina an inkhawm a hmuh thu a hrilh a. Hmeichhe naupang chuan, “Aw a dik ang, Kohhran member an ni a!” a ti a. 
Rinhlelh rual loh vin a nu leh pa te chuan Kristian an inti ngei ang, nimahsela an fanu chuan ‘Kristian an ni lo’ niin a ngai. Tunge dik zawk a I rin? Petera ang deuh hi an va ni awm ve. Puithiam Lalber kawtah khan  mipuite

YMA Gen.Conf Vawi 71-na a tiak ta

[ 21 October, 2017 | 0 comments ]

Kum khat dana neih thin Y.M.A. General Conference vawi 71-na Champhai Zotlang-a neih chu October 19, 2017 zan khan a tiak ta. Kum 2019-a Conference thlengtu tur chu North Vanlaiphai a ni. Kumin khawmpuiah hian Dawrpui Branch aiawhin member 60 lai bus pahnih leh motor te 6-in an kal thei a. Zaipawl tha tak leh special Item beat group tha tak tih hlawhtlin a ni bawk. Tin, kan hruaitu zinga mi Pu Chhawnkima Pachuau chuan he Conference-ah hian hruaitu hlun chawimawina dawngin, a ni hian kum 11 chhung teh meuh Dawrpui Y.M.A. hi chhumlo chat lovin a lo hruai tawh a ni.
Khawmpui thurelte:
YMA khawih :
1. Mizo Lengkhawm khawhar hla kan neih te hi thangthar ten a thluk kan hriat reng theihna tur in Solfa a a thluk dan dah a nih theih nan Central YMA in hma la rawh se tih chu lungrual tak a Passed a ni.
2. Hlo tur leh Rannung thatna hlo kan hman dan hi fimkhur tak leh a nihna tur ang taka

Pu Sawta'n tlawh

| 0 comments ]


Oct ni 20, 2017 (Zirtawpni) zing kar khan Bialtu Minister Pu Lalsawta chuan kan veng chhunga hmasawnna sial mek - Dawrpui West-a kawngpui siam mek leh Multipurpose Centre sak mekte a rawn tlawh. Minister lokal hi khawtlang hruaituten an lo tawiawm a ni.

ZU CHHE IN IN TAKSA A NGHAWNG DAN

| 0 comments ]

- Dr.Thangchungnunga, M.s.Ortho
Zu chhe ina damlo leh thih pui hial hi an tam ta hle a. Zu chhia tih hian amah a chhia a ni lova, a damdawi awm kha taksa tan tûr a lo nih \hin vang ani ber a. A tam ber hi chu Methylated spirit kan tih mai, wood spirit an tih bawk hi, a rim leh a taste chu alcohol, zu pangngai nen a in ang deuh reng a. Hei tak hi Zu bilh tam tak hian ethylated spirit (in theih) nen an hre hrang ta lova, a tih tak nan an pawlh thin ani. Kan hriat lar leh deuh, Burma lam chhuak bi-ih an tih maite pawh hi hetiang deuh tho a thawk hi an ni a.Natna hrik hlauhawm lam hi chu a tel sawi ani ngai lo. Amah hi spirit a nih angin antimicrobial action a neih ve vang pawh ani mahna. 

Methylated spirit $n emaw, zu a telh in emaw a, a thawh dan hi a lar ber leh nunna suattu tam ber ani a. An han in hian, zu pangngai ang tho in ril in a lo hip khawm a, hemi a hip

MÛP-in Upa-te Ni hmang

[ 14 October, 2017 | 0 comments ]

Khawvel Upa te ni October ni 1 chu Pathianni anih avangin a tuk October ni 2, 2017 khan Dawrpui M.U.P Unit ten Dawrpui School Auditorium-ah hlim takin an hmang a, member 65 lai an kal thei a, tlaiah chawhlui an kil ho bawk. Chairman Dr. R. Tlangkunga'n hneh takin a kaihruai a, Major PC Thansanga'n hunserh Pathian hnena inhlanna a hmang a, Pu C. Lalbuanga, Secretary hnen atangin report ngaihthlak a ni.
Report-a tarlan angin kum 2016 leh 2017 chhungin an member chatuan ram pan ta mi 9-te sun nan ngawi rengin minute 1 an ding a. Tin, hruaitu hlun kum 10 a zawna O.B lo ni tawhte hnenah chawimawina p>k an ni. Chung mite chu : - 
1.  Pu V. Lalliana (kum 21)                       2.  Pu Zadingluaia (kum 20)      3.  Pu B Darchhinga (kum 16)        4.  Major Sangzuala (kum 13)             5.  Major PC Thansanga (kum 11)
Upate Ni-ah hian MUP Gen. Hqtrs President thuchah chhiarchhuah a ni bawk. Dawrpui M.U.P Unit-ah hian member 216, mipa 87 leh hmeichhia 23 an awm mek a. Tin, kum 80 chunglam mipa 22 leh hmeichhia 23, an

Dawrpui YMA RISING DAY 29-na

[ 08 October, 2017 | 0 comments ]

Dawrpui Branch Y.M.A. Rising Day Vawi 29-na chu a Lawmna  hrang hrang (Sports) neih anih hnuah Zirtawp zan (6th Oct) khan a Lawmna ropui ber Dawrpui School Hall-ah function leh intihhlimna neih ani a, khawtlang mipuiten kan hlut thiam a, mipui tam tak hall-a lenglo khawp kan thawkchhuak kha a lawmawm hle a ni. 
Rising Day a hlawhtlin nana Sub Committee hrang hrangte inpekna leh tlawmngaihna avangin kan Rising Day pawh engkim \ha takin kan lawm chho thei zel a, phutlet nei miah lova khawtlang tana an inpekna kha ava ropui em! Kan ril\am hlauva ei tur tuihnai tak minlo siamsak \hintuten hah pawh sawi lova phur taka kil khata an tihturte an lo ti mawlh mawlh maite khan YMA nih a va ti nuam em!
Decoration Sub Committee-ten zan rei tak tak thlengin Stage leh a vel an chei kha tam tak chuan kan hriatpui lo maithei, Rising Day kan hman nawm loh an hlauh vang a ni, an inpekna kha ava thuk tak em!
Section tin Band-te hun chep tak karah hla te zirin an chanvo hneh takin an rawn ti hlawhtling thei vek a, Branch

2017 Rising Day Thuchah

| 0 comments ]

- Dr. S.R.Zonunthara
President, Dawrpui Br. YMA
Dawrpui YMA-a ka member pui zawng zawngte, Dawrpui Branch YMA din champhaphak vawi-29-na hmingin chibai ka buk che u-in duhsakna ka hlan a che u. 
Dawrpui Branch YMA chuan kum 29- na a lo hmang ta reng mai. He hun min hruai thlengtu Pathian hnenah lawmthu i sawi ang u. Dawrpui YMA tana \hahnemngai taka tha leh zung, sum leh pai lo seng \hintu kan hruaitu hmasate leh member rinawm lo ni tlat \hinte kan theihnghilh ngai lova, an mahni avanga vawiina Dawrpui YMA member nive thei chauh kan ni tih kan hre reng \hin. An zavaiin zahna leh chawimawina chibai kan buk thar leh a ni.
Khawtlang nu leh pa- Local Council, Tlawmngai Pawl hrang hrangte leh Dawrpui Vengchhunga Welfare pawl hrangte nena thawhhona \ha tak kan nei \hin hi lawmawm kan ti a, YMA hmalakna min \awiawma puih kan

HAWIHHAWMNA

[ 07 October, 2017 | 0 comments ]

- Vanhmingliana
Mizo \awnga hawihhawmna han tih hian Sap\awnga Gentility an tih mai ai chuan a huam zau zawk ni tein hriatna ka nei \hin. Kawng tam tak awm mahse sawi sen a ni chuang dawn lo va, tlem a zawng hman nghal mai chi sawichhuah in tum teh ang.
Kan kawng kal hi :
Kan khawpui kawng te hi a chêp em em tawh a. Mihring kan lo punin hun a pawimawh ve tawlh tawlh bawk si a, kal dêm dêm a ti ti mai mai thei kan ni tawh lo tih kan inhria. Nimahsela, hetiang dinhmunah pawh hian hawihhawmna lantir a ngai. Mi sut sawk sawk te, mi nam kian mai te hi a hawihhawm lo em em a ni. Mi ramah phei chuan an huat leh an inankhumna ber a ni fo. Tunlai \hangthar te hi heti lamah hian kan tlachhe ta hle mai. Kan polite loh luat avanga upa zawk te tana kea kal nuam lo ta te pawh a ni thei. Tunlaiah sawi a hlawh hle. Tin, nula leh tlangval kal dun inkaih kher te hi a \ul ber lo. Miin kan inngaihzawn hi lo hre vek sela ti niawm takin hmun chêp takah te la inkai lui tlat kan awm \hin. Sap tih dan kan zir em ni ang? Anni pawh an inkai vek lo ania, chak takin an kal vâwk vâwk zawk. Park hmunawl, thawl leh remchangah te chuan an ti \hin ngai e. Sikul naupang pathum vel ti ti  chunga kal hnunga hmanhmawhna rilru nen a han zui te hi a va chi loh em! 
Kalna lam side nei miah lova kal hi a va buaithlak tlang tak em! kan inhawngbi zur zur mai a, a tawpah kan insu

, ,

DAWRPUI KOHHRAN CHANCHIN by Upa Lalrinliana (1974)

[ 26 September, 2017 | 0 comments ]


Kum 1918 lai vel khan ‘Dawrpui’ tia awm chu Bazar phei mi tlem te leh tuna ‘Chhinga Veng’ an tih tak hi ani ber a. Chhinga Vengah khuan in 10 lek an awm a, Bazar pheiah hian Mizo chu in 5 vel chauh an awm bawk a; a tam ber te chu Vai sumdawng an ni a.

Dawrpui pheiah chuan Upa Pachhunga te chhung, Upa Thangvunga, Pu Hrangchhuma, Pu Hrangpawla, Pu Zama, Pu Khamliana, Pu Taitea, Pu Suakkunga, etc. teho an ni a. Chhinga Vengah chuan PU Saikaia te, Pu Chawngbawia te chu awm hmasa an ni a. Upa Laihnuna chu 1918 ah Aizawlah a lo chhuk a, ani hi Kawlkulhah 1915 ah Kohhran Upaah an thlang a. Chungho chu inah te inkhawmna an nei thin a; a changin Pu Saikaia te inah an inkhawm a, a changin Pu Pachhunga inah, a changin Pu Thangvunga inah. Chutih lai chuan tuna Pu H.Khuma in leh Pu D. Ronghaka in chu a chhawng a ni a, Durtlang Thawhlawm  Dawr a ni a, Pu Thangvunga te chhungin an luah a. Biak In mumal nei loviin hun rei tak chu an awm a. 1921 vel chuan Biak In ang deuhva inkhawmna tur in ruak an zawng a, Chhotelala bawng in rual chu an thian fai a, kum khat lai chu bawng inah chuan an inkhawm thin a. Mi an lo pung ve deuh deuh va, Biak In neih an lo rel ve ta a, tuna Pu Buangthanga in hmun Khualbuk chhakah khuan Biak In leh ni tin sikul ni fawmin in sak an rel thlu ta a.He an Biak In an luah kum tak hi hriat a har hle a, 1922 vel a ni maithei; a sak nan Rs. 600 lai chu an seng. Tin, Biak In thar an luah hnu rei vak lovah Kohhran chhungah in hriatthiam lohna a lo awm a. Pathian Kohhran nghet takin a ding zel a, a tibuaitute chu Kohhran atang chuan an

Taksaa zu hnathawh dan

[ 24 September, 2017 | 0 comments ]

- Dr.Thangchungnunga. MS.Ortho

Zu hi spirit, taksa leh pem a a luh chuan thip tak ani a. Zu in pawh hian a hlanga lem chuan hrawk  a thipin ^wmah a thip thla a, pumah a thlen chu a hriat hle \hin. Hei vang hian pumpui hnl a, a rei phei chuan alo l^wng a, a p^n ta hial \hin ; acid a ti tam >m >m a, thin pawh a cells a kang a, a s^wngte a, a lo chaklo vat \hin. Naute leh naupang no deuh  hruk nana hmante hian a \ha lo thei bawk.
Nu, naupaiin z< a in reng chuan, a in ang ang kha nautein alo in ve zel a, a ruih leh a rui ve a. Nu pum chhungah “Tunge min cho” a ti ve chhar chhar dawn ani. A nu-in zu ngawl a vei chuan naute zu ngawlvei a hring ve mai dawn ani, piangsual leh rilru chaklote an awm duh hle.
Thinah hian z< hi alo siam danglam a, a aia chak zawk - tur ang deuh chu a siam chhuak a, hei hi a ti ruitu ber chu ani ta a. Zu chhe in (Methylated spirit) nen a in ang lo a ni (Issue lehah ‘zu chhe in’ kan sawi dawn nia) Mitah a thawk hmasa ber a, thluak a ti buaiin a zauthauna, mahni inrintawkna, phurna, huai leh chak, fing bera inngaihnate a siam a. Lungah hian thawh dan hrang hrangin, thisen d^wt ti v^rtu, a rei chuan thisen d^wt ti te-in lung a ti chaklo a, BP a sang thei. Lung damdawi atana an in fo pawh hi peg chanve vel bak a \ha chuanglo. Tihrawl a ti chaklo hle a, zun a ti tam a, kal erawh a ti chhe chak vaklo. Sex-ah chaklohna a siam nasa hle bawk. A hlauhawm ber pawl chu pancreatitis kan ti mai a, pancrease a nat chuan thihpui ani tlangpui \hin. Heng kan han sawi tam ber hi chu zu ngawlvei hnu ami an ni ber.
A tawp berah chuan, zu ngawlvei chu an in vawng \ha lo a, khawtlangah mi en hniam an lo ni a, kohhranah an in hmang thei lo a, taksa alo chhe bawk a, a tawpah phei chuan mi nuih zat an lo ni mai \hin. Z< hian \hatna a nei lo a, doctor thiam tak pakhat hnenah z< taksa t^na \ha tawk an zawt a, ani chuan, far khat hmun sawma \hena hmun khat a tawk a ti, in tham ani lo.

Khawvela nu naupang ber Lina Medina

| 0 comments ]

He chanchin mak tak mai hi Telegraph chanchinbu 27th August, 2002 Foreign Section-a rawn chhuah a ni a. Mi tam zawkin lo chhiar tawh mah ula, la hrelo pawh kan awm ang a, hriat ve atan ka rawn tarlang ve mai ani e. “Hormones kal sual leh mi piang danglam hrim hrim chungah chuan thil awm thei a ni” tiin min hrilh avangin ngampa takin ka rawn ziak ta a ni.
Shaman, Peru ram thingtlang khaw te tak tea tihngaihna an hriat tawh loh hnuin, Lina Medina nu leh pate chuan, an fanu kum-5 mi, a dula b^wk lian pui mai awm nia an ngaih chu Damdawiin lam an pan pui ta rawih a.
Thla alo vei meuh chuan fapa a nei ta mai a. 1939 May thla chuan Lina Medina chu kum-5 thla 7 leh ni 21 mi niin zai chhuahin fa a nei chu a ni ta der mai a. Medina chuan khawvel History siamin fa neia zawngah chuan naupang ber nih a hauh ta a. Chutih lai hun daih tawha Peru sorkar chuan \anpuina a tiam chu tun thlengin ala tihhlawhtling ta lo \hak a. Kum 60 lai alo liam hnuin Medina chu a pasal nen an in chhe tak Lima khuaa “Little Chicago” an tihah chuan an cheng a.
Tunah Kum 68 lai lo ni tawhin, tun hma zawnga a ngenna hlawhtling thei lo chu a rilruah ala awm reng a. A fapa, amah (Medina) pawh naupang ala nih laia a neih Gerardo-a chu kum 1979 khan kum 40 mi niin a boral a. Chutiang tak thil danglam chu nau chhar thiam pakhat an chanchin lo ngaihven >m >m maitu hian lehkhabu thar

Zu hnathawh dan

| 0 comments ]

- Dr.Thangchungnunga. MS.Ortho.
Zu (Ethyl Alcohol) hi hmasang a\anga awm \an hun pawh chhut hleih theih mang loh, mihringin an lo neih tawh ani a, mihring nuna bet tlat emaw tih mai tur ani. Zu an in hian pumpuiah a lut thla a, ril-in a lo hip khawm rang hle a, thin (liver) ah an keng chho a, chemical reaction a lo awm a, taksa kil tinah thisen luang zuiin an kal darh ta zel a. Kan mit (eyes) chhunga tui (Vitreus fluid) ah pawh an lut vat a. He tui, mit chhunga awm hi a kal muang >m >m a, zu chu a cham rei a, hei vang hi alawm, zu in reng reng a hmasa bera an mit a phet salh \hin, rei lo teah mit a lo sen a, meng a phi vat \hin ani.
Thluaka lut khan taksa a ti phur a, over confidence an nei a-huai, chak leh fing berah an in ngai a, an \awng duh tlangpui bawk. An in tam deuh hnu phei chuan taksa hrang hrang, chet dan (Co-ordination) a in rual lo a, an \awng  a buh a, an kal pai a. Hetih hun hi an zia original dik tak a lan chhuah hun ani, eng ang mi nge an nih tih i hre thei ang. In tam viau phei chuan engmah hre mumal loa awmin an muhil zui emaw ani \hin, nasa lutuka in tam phei chu a thih ve theih ani.
Zu hian pumpui a ti l^wng a, a rei phei chuan ulcer, pan kua a awm a, thiin an luak vak  emaw ek a dum vek thei ani. Hetih lai hian thin (Liver) pawhin a tuar nasa hle a, an hnathawhna cells ber chu alo sawngte a, a rei phei chuan alo sak a, thin ro (Cirrhosis liver) a lo awm a. M$t (bile) a liam a, an th< a, zing thawh leh tlai velah an kut a khur a, zu in ngei ngei a ngai \hin. Pumpui hnk, >k dum, alkatra ang leh thi-a luak a thihpui theih hial alo ni ta \hin. Zu ngawl vei chu z$ng z< an in ngei ngei a ngaih hun hi zu ngawl vei stage chu ani.

NCZ Welfare 2nd Rising Day

| 0 comments ]

6 August, 2017 (Inrinni) khan NCZ Welfare Dawrpui-te chuan an dincham vawi 2-na nilengin lawmna hun an nei a. Zing dar 6:30-ah an area thenfai hnatlang neiin Pu V. Lalliana in kawtah Pu John Rotluangliana (Minister)-in thusawina hun neiin, ruah sur hnuaiah mi\hahnem tak thawk chhuakin Portable mike hmangin Bazar-a dawrkai leh \hute faina kawnga \an la turin an hriattir bawk. Naupang leh puitling nilengin intihhlimna Dawrpui Sikul-ah neiin an hlim hle a ni.
2017 - 2018 NCZ hruaitu thar thlanna neih a ni nghal a, Pi Zosangzuali Chairman Local Council-in kaihruaiin, Mizo Hnamro Chawisang Pawl hruaitute’n inthlanna an neihpui bawk. Vote chhiar chhung hian Pu Vanlalbika, Chairman NCZ leh Pu Lalrohlua (Maroa) NCZ Secretary hnen a\angin thusawi ngaihthlak a nih bakah kan Minister Pu John Rotluangliana hnen a\angin thusawina leh fuihna \ha tak ngaihthlak a ni bawk. Dawrpui vengchhunga Welfare hrang hrang hruaitu te leh Local Council leh YMA hruaituten he hun hi an hmanpui bawk. Ropui takin ruai an kilho a bawk a ni.
Kum 2017 -2018 NCZ hruaitu thlan thar te :
Chairman - Pu Vanlalbika
Vice Chairman - Pu Lalthakima
Secretary - Pu Lalrohlua (Maroa)
Asst Secretary - Pu Lalrinsanga (Asanga)
Treasurer - Nl. Lalremtluangi (Maseni)
Fin. Secretary - Pu K Jacob Remruatfela 

Pumpui Lâwng (Peptic Ulcer)

| 2 comments ]

Pumpui lâwng kan tih mai hi a nat dan hrang hrang a awm a. Pumpui leh a bul vel n^ hi Peptic Ulcer (lâwng) ah chuan a thip, no nghulh te, irh thur te, pumpui z^wn, thin dip vel te a na tlangpui a. A \henah chuan dar ruh phek inkarah a na thei bawk ani. Pum nuamlo riltam ang a awm te, thil ei a puar nuamlo te a awm duh hle. Zing thawh tirha pum no nghual te, thin thip te a awm duh bawk. Heng hian chaw ei chak lohna thlengin a awmtir thei ani. Ulcer (lawng) nasa lutuk, rei tawh phei chu cancer-ah a chang thei \hin.
Tunlai phei chu, thinhnuna na, sa leh thip a tam a, hemi rual hian chaw d^wt l^wng leh cancer a lo tam ta hle mai. Ka chhung cancer te nen, cancer tam berte zing ami a lo ni ta hial mai. Heng ulcer tam nachhan pakhat nia lang chu tuibur, khaini, sahdah kan hmuam tam vangte pawh ni theiin a lang. Kan hmuam a, a tui kan lem tel hi a tam lova, chaw d^wt chhungah a tham ral a, a tawpah chaw d^wt pumpui nen a inzawmna velah ulcer te a lo tam

YMA-in Pu Hranga tanpui

| 0 comments ]

Pu Vawmhrangluaia (Kum - 64) Siallam (Myanmar) khua chu chhungkaw mumal neiloin a harsat >m avangin Aizawlah Y.M.A. leh Kohhran bel turin alo chhuk ve tawp mai a. Aizawlah k^r hnih vel cham tawha insawiin riahna leh eitur mumal pawh a nei lo a. 7th September, 2017 (Ningani) khan Khawtlang Duty Room, Dawrpui School Complex-ah \anpui rawn dilin Home-a dah a rawn inbeisei a, Branch hruaitute tlan khawm nghalin Home hrang hrangte biak nghal a ni a, office an lo ban hman hlawm tawh avangin chaw leh ei tur bakah thawmhnaw a mamawhte p>k niin riah tir zui a ni a, atuk Zirtawpni  khan Old Age Home, Govt. Complex-ah kan Secretary Pu Lianzama Pachuau leh Tv. K. Lalrosanga, Br. Exe. Comm-ten an zuk dah a, a mamawh leh thil \ul neuh neuhte Bazar Corps S.A.Y.-ten an tum sak bawk a ni.

LU NÂ (Headache)

[ 02 September, 2017 | 0 comments ]

Lu n^ , sap-in headache an tih mai hi thil ho ang deuh a lang si, mitin deuhthawin kan vei deuh vek ani awm e. Lu n^ han tih hian chhan tam tak a awm bawk a, a nat dan pawh chi hrang hrang a tam hle ani. A tlangpui tal hriatthiam tum ang u.
A tlangpuiin lu n^ tam ber hi a hlauhawm lem lova, mahse layman (mipui) tam ber hian kan hlau viau thung a. A chhan tam ber chu nerve, tha zam kal dik lo te, thisen kal dik lo, rilru hah leh, ngaihtuah ding lutuk te, zuk leh hmuam, kuhva leh zu, shikhar vang te, mit \hat loh vangte leh natna hrik, khawsikpui thluaka lut (meningitis) vang te, thluaka thisen kal \ha lo (subdual haemorrhage), sinus (sinusitis) leh BP s^ng vang te ani thei vek ani. Kan hlauh >m >m thluak cancer zungzam vangte hian lu n^ vak turah kan ngai a, ani ber lem lo.
Nerve (hriatna thazam) dik lo hian lu n^ a siam tam hle a, heng, migraine, trigeminal neuralgia leh mit bawr na te, lu pangkhing na te hi a tam a. Malaria tamna hmun, kan ram angah te hian Malaria PF vangte pawhin a awm tam ani.
Vaihlo zuk nasat leh kuhva ei nasatte hian lu n^ kan ngah phah >m >m tih hriat tur. Lehkhabu chhiar leh computer, mobile khawih reng te hian mit hruina leh concentration nasa avangin lu na a tam hle. Engkim hi a tawk deuh kan hriat a \ha hle ani.
Lu n^ tam ber hi chu nachhawkna ei hian a reh deuh mai a. Heng migraine (lurum na) te hi chuan damdawi a nei hran deuh a. Lung (heart) chak lo lutuk hian thluakah thisen a pe \ha thei lova, a na duh ani. Stroke hi thluak chhunga thisen d^wt pawp ani a, lu a na viau thei, a nasat chuan engmah hre lo in an awm mai \hin.
Thluak cancer te, thluaka bawk awm hrim hrim thang thei vanga na hi chu nachhawkna in a ti reh ve mai lo ani. 
Lu a nata nachhawknain a tih reh \hat theih loh chuan doctor rawn a \ha ber mai.
- Dr.Thangchungnunga, M.S.Ortho

Property Tax hmanna

[ 27 August, 2017 | 0 comments ]

Aizawl Municipal Corporation a\anga Property Tax return Ward IX tana kan dawn chu mipui vantlang tana \angkai thei ang bera hman tur anih angin Dawrpui Thlanmual hi kan Ward chhung Veng hrang hrangte in\awm anih avangin Thlanmual ram min hlauhawm lai lungremna leh step siam \hatnaa hman a ni tih ward chhung mipuite kan inhriattir a, a hnathawh pawh Ward Committee-in kengkawhin enkawltu atan Pu TBC Lalchawiliana, Secretary leh Pu TC Lalthanzuala, Member Ward Committee-te ruat an ni a, hnathawh pawh zawh tep a ni.
- TBC Lalchawiliana, Secretary Ward IX Committee

NCZ huaihawtin inkawmkhawmna

| 0 comments ]

NCZ Welfare Dawrpui Committee-in a rel angin Dt.15.8.2017 (Tuesday) chawhma dar 11:00 khan Dawrpui School Mini Auditorium-ah NCZ Welfare Dawrpui chuan Bazar Association hrang hrang Office Bearer 69-te chu Faina leh Thianghlimna leh Ruihhlo do kawngah thawhho puiah sawmin inkawm hona a neih pui a, he hunah hian NCZ Welfare Chairman Pu Vanlalbika’n inkawmhona hi a kaihruai a, Upa Lalbiakdika, NCZ Committee member-in hunserh a hman zawhah NCZ Secretary Pu Lalrohlua (Maroa) an NCZ hmalakna hrang hrang leh report ngaihnawm tak a pe a, kalkhawmte inhmelhriattirna a nei bawk. 
Hemi hnu hian Pu Ro\huamliana leh Pu Zoramthanga  Local Council Dawrpui a\angin thusawina an nei a, chumi zawhah Dr.SR Zonunthara President Dawrpui Branch YMA-in a sawi leh a, Bazar Beat Police Pu Lalzamlova

YMA Chhang intihhlimna & Awareness

| 0 comments ]

August ni 15, 2017 (Thawhlehni) khan Dawrpui Y.M.A. Chhangte 'Ruihhlo leh Zuk leh hmuam chungchanga inzirtirna' leh 'intihhlimna' hrang hrang neih pui a ni a, Y.M.A. Chhang member 57 zet an kal khawm a ni. Hun hmangtu Dr.Chawnglungmuana niin a inbuatsaihna a \ha bawk a, naupang te pawhin an hlawkpui hlea beisei a ni. Intihhlimna lam buaipuitu Y.M.A. Chhang in charge-te leh Section tin hruaitute zarah khamlo takin intihhlimna chi hrang hrang neihpui bawk a ni a, he programme hi Kumpuan Committee hmalakna peng pakhat pawimawh tak ani.

Naupang rukbo tuma puh man a ni

| 0 comments ]

July ni 30, 2017 (Pathianni) zan dar 8 khan Canteen kualah mi pakhat, naupang rukbo tuma puh man a ni a. Pawi khawihtua puh hian kum a la tlinglo niin court lamah a insawi niin thudawnna chuan a sawi.
Aizawl West College-a zirlai Vanlalhmangaihzauva, Dawrpui Veng leh Pemarin Restaurant, Millennium Centre-a thawk T. Lalthlamuanpuii, Edenthar Veng te \hian dunin kawng sir thim laia mi pakhatin naupang kum 3 mi vel, a ka hnawha a lo awmpui chu hmuin, naupang hi an chhanchhuak a, a rukbo tumtu pawh police kutah hlan a ni.
Naupang chhanchhuaktu kan veng tlangval Vanlalhmangaihzauva leh Edenthar Veng nula T. Lalthlamuanpuii te chu chhuanawm kan ti hle.
Dawrpui Local Council, YMA, MUP leh MHIP hruaitute chuan pawikhawihtu finfiaha, dan hmanga hremna pek ngei an phut thu an sawi a. Kan veng chhungah veng/khaw dang miin pawi an khawih leh \hin chu pawi an tiin, tun hnuah eng pawikhawihna mah thleng nawn tawh lo se tiin an duh thu an sawi bawk.

Dr.Rohawka Street

| 0 comments ]

Dr. Rohawka(L) hi 1904 khan Buhb^n khuaah piangin unau pali niin amah hi an unau zingah naupang ber a ni. Kum 1946 khan Dawrpui (Zion St) ah inbengbelin a fapa Pu Lalthanparate chhungkua hian an luah zui nghal a ni. An in kawt kawng (Dawrpui Sikul thlang kual lai) hi kawng mumal a awm lova, Dr. Rohawka (L) chuan kawng hi sialin kal theih turin alo siam \an tawh a. Kum 1957-a Malaria Dept-a a thawh khan motor a kawl avangin Motor(Jeep) kal theih \awk \awkin kalkawng hi siam len a ni a. Assam Rifles silai (ch^n) kap tur hovin kalkawng berah an hmang zui a, kum lo kal zelah tun dinhmun hi alo ni ta a ni.
He kawng lo sialtu leh tun dinhmun alo thlen theihna tura sulsutu anih bakah he kawng hian hming alo neih loh bawk avangin amah hriat reng nan he kawng (M.U.P. waiting shed a\anga Pu V. Lalliana inkar) hi Dawrpui Local Council-te phalna angin ‘Dr. Rohawka Street’ tia vuah a ni ta a ni. Dr. Rohawka(L) hi Mizorama Doctor hmasa zing ami a ni bawk.

Zoparama hriatrengna hla bu

[ 03 August, 2017 | 0 comments ]

1 Aug, 2017 (Thawhlehni) zan khan Pi Jacinta Chawngziki (Maziki) Taitesena Section chuan a pasal Pu Dominic Zoramthanga (Zoparama) kum 2016-a boral hriatreng nana a buatsaih hla bu 'Fak Ru Thihna Hnehtu Lalpa' tih chu copy 50 lai mai chu Dawrpui Branch Y.M.A.-te min pe.

Ṭawngṭai Bethel ṭanpui

[ 29 July, 2017 | 0 comments ]

29 July, 2017 (Inrinni) khan heng Branch Y.M.A. panga - Dawrpui, Chhinga Veng, Electric, Saron leh Zarkawt inthurualte chuan Ṭawngṭai Bethel Camping Centre, Chawnpui chu ṭanpuina an pe. Branch hrang hrangte hian Rs. 11,000/- ṭheuh thawhkhawmin chuta tlingkhawm Rs. 55,000/-(singnga leh sangnga) chuan an mamawh chi hrang hrang - shampoo, stayfree, dal, sahbawn, tel, tooth brush, tooth paste, kuhva, sahdah, vaihlo etc te leisak an ni.





Maroa hriatrengna dekchi

[ 22 July, 2017 | 0 comments ]

Tv. Vanlalrova (Maroa) 2nd June, 2017-a Chatuan ram min pansan ta hriatrengnan a pian cham kum 51-na denchhenin a nu Pi Rita Vanthangliani, Dawrpui South-te chhungkua chuan June ni 16 (Pathianni) tlai khan Dawrpui Branch Y.M.A. Dekchi lian \ha tak mai min pe a, an chhungkaw chungah kan lawm hle.