Home »

DAWRPUI KHAWTLANGIN FAI LAWMMAN A DAWNG!

25 April, 2017 1 comments

Kumtin Faina Hapta hman thin a ni a, chutah chuan “Veng Fai Lawmman” an siam thin a, engtik lai mahin Dawrpui hian chu “Fai Lawmman” chu kan dawn kan inring ngai lo a, kan la dawng bawk hek lo! Mahse, thil theih loh pawh hi a lo theih ve fo tih a lanna chu Feb 16-28, 2017 chhung khan Aizawl Municipal Corporation (AMC) leh North Eastern Development Finance Corporation Ltd. (NEDFi)-te buaipui “Swachhata Pakhwada” hman a ni a.  Faina kawnga intihsiakna chi hnih Commercial Area leh Residential Area-ah thenin, Commercial Area-ah DAWRPUI LOCAL COUNCIL chu Fai ber lawmman pakhatna pek kan ni a, Citation leh Rs. 50,000/- hlan kan ni. Residential Area-ah Laipuitlang chu pakhatna an ni bawk. Form fillup tur an siam a, chuta chhanna leh a hmuna enfiahna atanga tehna hi siam a ni. Khawtlang kan va lawm teh lul em...!
A dawngtu hming hi Dawrpui Local Council tih a ni mai a, a hming tumtu mai a ni. Khawtlang mipui zawng zawng dawn a ni. “Sumdawnna hmunpui kan ni a, kan fai tak tak thei lo, mi chitin chitangin an bawlhhlawh an kalsan a, a hnawk chiah kan hlawh...” kan ti thin a, dik pawh a dik a. Kan VC/LC hmasa ten nasa takin tan an
lo la a, AMC a awm hnuah PPP Mode hmangin bawlhhlawh paih a ni a; chhung tin ten man chawia kan bawlhhlawh kan paih hnu hian awmzia thui tak a nei a ni. Tunhmaa kawngsir leh hmun remchanga bawlhhlawh kan chhekkhawm mai mai kha a awm ta lo a (thenkhat chhawp hram an la awm laiin), hengte hian lawmman hlu tak min dawn tir ta a ni.
Kan veng (Dawrpui) a lo fai theih nan hian chhungkua leh mimal kan pawimawh vek a, mahni in bul kan lo tih faite, luikawr hnawh leh bawlhhlawh awmkhawm kan lo ruhkhawm a, bawlhhlawh motor-a kan lo paih thinte hian tun hi min lo thlen ta a ni. VC/LC term hmasa lam atang tawhin Dec ni 24 leh 31 zana zan tlaivar dawn dawn a tual an lo phiahfai te chuan kan khawtlang a ti mawi a, a ti fai a, dinhmun sangah min hlangkai ta a ni. 
I tang zui zel ang u : 
He kan lawmman dawn hlu tak hi a taka mipui ten kan chhawm nun zel a ngai dawn a, hengte hi mipui, chhungtin ten i thlahthlam lo ang u :-
1. Kan Ui vulh kawnglai leh thenawm te in bula ek tir mai mai lo in, kan vulh rau rau a nih chuan enkawl ila, vantlang leh mipui te tan hnawksak lo in Ui enkawl nise.
2. A hun loah bawlhhlawh paih/chhawp khawm lo zel ila, motor-ah chauh bawlhhlawh i paih zel ang u.
3. Mahni in leh a vel vawng fai ila, kawngpui kama awmte phei chuan mahni in zawn theuh tifai thin ila, kan khawtlang chu a fai reng mai dawn a ni.
4. Mahni in bul tuikawr tifai \hin ila, tuihawk a luanna turah luang se, kawngpui thlengin a lo tlo phah dawn a ni.

1 comments »

  • Unknown said:  

    engtia enkawl tur nge aw

  • Leave your response!

    Han sawi ve teh le.