THIHNA HI !
22 July, 2017
0
comments
- Vanhmingliana
Tumahin kan pumpelh theih loh kan chunga thleng ve ngei ngei tur chu Thihna hi a ni. Kan Bible thianghlima kan hmuh danin he thihna hi chu ‘tui taka muthilhna’ hun reilo te chhung atan a ni mai (Johana 11: 11-14).
Kan hmangaih tak te hmu leh ngai reng reng lo tura kan suangtuah chuan thihna hi a na thlawt mai. |ah bawrh bawrh theihte hi a thaa, inbunruah hi thawven thawhkhatna chu a ni ve hrim hrim. Kan hmangaiha, kan ui a ni tih entirna a ni ve bawk a \ah theih hi a tha, amaherawhchu, mi zawng zawngin kan thei lem lo.
Thihna avanga lungngaia kun reng tur kan ni em?
Kristiante chu rinna leh beiseina nei tlat kan ni. “Krista kan nunna chu a lo inlan hunah chuan keini pawh amah nen ropuinaah chuan kan lo lang ve ang” (Johana 8:51-52). “A lo kal leh hunah mi fel thi tawh zawng zawng tena aw an hria ang, thih theihlohna nun nei turin ropui takin an lo tho leh dawn” (Kolossa 3:4). Kan Bible hian thihna chungchang hi a sawi chiang hle a ni lawm ni. Pathian rorelna chu a zawh hunah a mi te lam turin Isua Krista a lo kal ang a, amah ringa Lal leh chhandamtua lo pawm tlattute chu, lungngai thei tawh lo, natnain a tihbuai phak tawh loh van taksa angin min kaitho leh dawn a ni (I Korinth 15:20-21). Thawh hma hruai Isua Krista kha a thih hnua thlan atanga a tho leh ta kha ang chiah khan kaihthawhin kan awm ve ang. Thihna hi kan tawpna mihring tan chuan nimahsela, a bak zawng chu Isua Krista kuta awm vek a ni tawh. Thihna leh Thawhlehna chahbi kawltu anih avangin, Isua’n Kraws ah kan sualna nen min tlan tawh a, a thawhlehna vek hian kan thi tawh hi kaihthawhin kan awm leh ang.
Mihring ten kan thlirdan angin Pathianin min thlir ve lova. Keinin suala kan ngaihte hi sual a ti ve lova, thinlung chhungril taka Amah pawmtute hi A ramah a seng mai dawn a ni, kan hriatpui ve tur a awm lo. Kalvari Kraws a misual khenbeh pawh kha a sualna ngaihdam a dil avang leh Isua hnena awm ve a duh em avangin Isuan, “Ka hnenah Paradis-ah i awm ve ang” (Luka 23:43) a ti mai a ni lawm ni kha!
Kan tih theih tha ber chu ‘kan sualte ngaidam tura dil leh, amah zui tura tisual leh tawh lo tura inpek ve mai’ hi a ni mai lawm ni? Paula pawhin tawih theia tuhin kan awm a, ropui taka kaihthawh lehin kan awm ang a tih kha.
Thihna hi kha hle mahse hriatthiam i tum ang u.
0 comments »
Leave your response!
Han sawi ve teh le.