Y.M.A. DAY VAWI 82-NA THUCHAH

-  Dr. S.R. Zonunthara

President, Dawrpui Branch YMA

Aia upa zah :

Mizo hnam nun a mawi ber mai pakhat chu ‘Aia Upate zahthiam’
hi a ni awm e. Kumin, kum 2017-a Chapchar Kut kan hman zawh tak thupui atan pawh Aia Upa zah  tih anih nghe nghe kha. Kan pi leh pute a\anga Mizo hnamin an lo chhawm nun reng \hin, Zonunzemawi - aia upate zahthiam hi tunhnaiah keini thangtharte hian kan bansan ta deuh em ni a tih theih awm e. Mizo hnam hian kan khawsakhonaah hian upa zawk te chu chaklo zawk leh fing lo zawk, rethei zawk leh harsa zawk pawh nisela kan dah pawimawhin an thu kan ngaichang em em \hin.
Khawi hmunah pawh kal sela rorel leh thu inchuh a awmin upa zawk thu an ngaichangin an dah lal fo \hin. Naupang zawkin thuthlukna an siam khalh ngailo. Upa zawk rorel angin an awm mai \hin. Chawkilna hmunah pawh upa berin a bar hma chuan naupangin an bar khalh ngailo. Upa zawk te lo bar khalh thawt thawt mi chu
mi vir leh zaktheilo an ti \hin.Thil insem tur a awm pawhin upa berin a sem a, an chanpual a siam fel vek hnuah an in sem chauh \hin. Chuhhelh taka chan loh hlauh avanga mi hmakhalh emaw an ching ve ngailo.  Aia upa zawk zahthiam leh chawimawi thiam apiang chu amah aia naupang zawk ten an chawimawi letin a thu an ngaichang ve leh nge nge \hin. Upa zah lo leh ngai pawimawhlo mi chu amah aia naupang zawkte pawhin an ngaisang thei ngai lo a, a thu zawm an hreh \hin.
Aia upa zah leh thil dang tamtak, kan Mizo nun zemawiin a ken tel- tlawmngaihna kan tih angte pawh hi hmanlai ang tak tak chuan a hman theih tawh loh pawh ani mai thei e. Amaherawhchu, kan khawtlang inrelbawl dan a danglam ang zelin kan Zonunzemawi parchhuah tir dan pawh a danglam ve zel mai tur ani ang. Zawlbuk khawtlang tana in humhimna kulhpui a ni ang khan tunah chuan khawtl^ng, ram leh hnam tana thawk tura insiam tlawmngai pawl hrang hrangte hi a thim a var thlu lova kan himna leh damna tura thawk tute an nih kan hriatreng a an thu kan ngaihchan fo hi a va \ul em! Zonunzemawi chhawm nunga kan ram leh hnam hmasawn zelna turah hian keini naupang zawkte hian aia upate thu ngaichang a, a \ul hunah zah tak chunga finchhuah zel hi kan tih tur a ni. Chutih rual chuan, naupang zawk leh kumtlem zawk te zahtlak leh chawimawi tlak nunzia nei turin leh chhiatni \hatni-a kan Mizo zemawi tak kan parchhuah tir \hin kawngah upa zawk ten \an an lak ve sauh sauh zawng a ngai ngei ang.

Chhiatni-a Y.M.A. member te mawhphurhna : 

Mizo hnam hian kan pi leh pute hun a\ang tawhin khawsak phung fel leh \ha tak, tun thlenga kan hnam min phuarkhawmtu kan nei \euh mai. A vai chuan sawi vek sen chi a ni lovang. Dawrpui veng \halai leh nu leh pa te hi in\henawm khawvennaah leh khawtlanga kan khawsakhonaah mi te fak leh entawn kan lo ni tawh \hin. Tun thleng pawhin mi tamtak chuan min la fakin a \ha zawnga kan chanchin sawi hriat tur a tam khawp mai. A lawmawm takzet ani. Chutih rual erawhchuan hmasawnna tur tamtak kan nei tho mai. Chhiatni bik chungchang lo sawi dawn ila.

Hmasawnna leh khawsak phungin khawtlanga kan khawsak ho naah leh kan inthenawm khawvennaah danglamna a thlen zel angin kan tlawmngaihna leh khawtlanga kan mawhphurhna kan p^r chhuah tir dan pawh a danglam ve zel a.  Tunhmaa thlanlai \hin khan keimahni thawkchhuak lovin pawisa-in thlan kan lai ta, khawhar chhungte puala buhfai leh thingkhawn \hin khan pawisa kan khawn ta, khawhar chhungte hnem tur leh a\ul ang anga buaipui tura tlangvalte khawhar in riak \hin pawh a lo tawp ta, Y.M.A. anga khawhar lenpui pawh zan 7 te ni \hin kha tunah chuan zan 3-ah kan zo ta a ni a. Heng zawng zawng hi tlawmngaihna lan chhuahna leh Mizo kan nih anga kan \henawm khawvengte hnena kan mawhphurhna kan hlenchhuahna a ni. A hlu em em ani. Amaerawhchu, khawtlangin chhiat kan tawh ni khuaa tel \ha ve duhlo leh mitthi thing kan khawn pawh pe chak vaklo tlem a zawng kan la awm erawh hi chu kan in enchian a ngai khawp mai. 

Tin, khawhar in lenpui leh thingpui lum leh khawhar chhungte a \ul ang anga \awiawm hi \halaite mawhphurhna a ni. Hemi kawngah hian Y.M.A. member-te kan fakawm khawp mai, amaherawhchu hmasawnna tur kan nei. Khawhar lenpui hi tuna kan hman danah chuan zan thum hi Y.M.A. zan kan tih kha a ni a.

Hemi hun chhung na na na hi chuan member zawng zawng- hmeichhia leh mipa te kan zavaia mawhphurhna ani tih i hre thar leh ang u. Kan hunawlah chauh mi te tana \angkai kan tum anih chuan a fuh lo ang. 

Tupawh mai hi mahni eizawnna leh chhungkaw thilahte kan buai >m >m vek tawh mai. Amaherawhchu Mizo kan ni tlat a, kan hnam ziain a ken tlat - Mizo te min ti Mizo tu ‘tlawmngaihna leh mi te tana inpekna nun’ hi kan buai >m avanga tlansan mai thei kan ni lo. Kan awl loh lai, kan buai lai leh \ul lai taka khawtlang tan leh \anpui ngaite \anpui tura penchhuah hi a hlu bik leh zual a tlawmngaihna leh inpekna dik a ni . Peihlo chung leh phur vak loh chunga kan tih hram hram hian keimahniah hlimna min pe let \hin.

Kristianna  leh  Y.M.A. : 

Y.M.A. hi a dintute pawh Missionary, Pathian thu hriltute an ni. Chuvangin Kristian nih leh Y.M.A. member nih hi a inhmehin thil inkawp tlat thliarhran hleihtheihloh ani. 

Y.M.A. thiltum leh nihphung zawng zawng te hi kristianna/kohhran-in a awmdan/nundan tur a sawi zawng zawngte nen a inrem thlapin thil thuhmun reng an ni. Chuvangin Kohhran hian Y.M.A. chu a fahrin anga a en chhung leh Y.M.A. hian kohhran chu nu leh pa-a a neih tlat chhung chuan inrem takin an thawk ho mai dawn ani. Y.M.A. program leh Kohhran program te hi kan vengah ngat phei hi chuan inkalh buai lo turin, inzahtawn leh in hrethiam tawn takin kan hruaituten an siam hram hram \hin. Y.M.A. takin a Kristian theih a, Kristian takin a Y.M.A. theih bawk.

Y.M.A. hi kan kohhran mi san a rem lova, chutiang bawkin Kohhran hi kan Y.M.A. san a remlo bawk tih hi Y.M.A. Day vawi 82-naah hian member zawng zawngte hian i hre thar leh ang u. 

Y.M.A. innghahna chu Kristian thurin a ni tih hrerengin kohhran thiltih hrang hrangah phur tak leh thahnemngai taka tel hi kan tihtur ani, chutiang bawkin KṬP/|KP/SAY/PYD member kan nih pawhin Y.M.A. hi kan thlahthlam tur a ni lova, a thil tum te tih puitlin kawngah leh hmalaknaah kan tel ngei tur ani bawk.