Multi State Mock Drill

[ 30 April, 2018 | 0 comments ]


Northeast State pathum (Mizoram, Nagaland & Tripura)-ah Lirnghing thut palha kan lo inrin lawk theih nan a rualin heng state pathumahte hian mock drill neih a ni a. Millennium Centre leh Aizawl Civil Hospital-ah te he drill-ah hian kan veng kan  tel ve a. Mi 52 zet thawk chhuak theiin, a hun takah thlengin kan tih turte rang takin kan ti zar zar thei a, sorkar hruaitute mit pawh kan tlung hle a ni. 

DM&R Department lamin min ngenna angin Search & Rescue Team te, First Aid Team te, Crowd control leh Transport Team-ah te in\hen hrangin mahni tih tur \heuh kan ti hlawhtling thei a. Tin, Dawrpui School Naupang engemaw zah damlo anga \ang tura an zirtirtu ten rawn tel tir an phal avang pawhin kan lawm hle a ni.
Disaster Management Sub-Committee-ten a ni hma hian training neiin vawi engemaw zah meeting Aizawl DC hovin an nei a. Engkimah kalhmang hre em em in rikrum thleng palh thei laka lo in zir lawk hi kan hlawkpui pawh kan in ring hle. Aizawl District Commissioner lam a\angin lawmthu sawinate kan dawng a. Hemi Mock Drill Observer pawhin Local Volunteers-te chet \hat thu a sawi nghe nghe a ni.

Mahnia damdawi in chawh

| 0 comments ]

- Dr. Thangchungnunga.MS.(Ortho)
Tunlaiah chuan engkim mai hi a awlsam tawh a. Mahni mobile hum lai a\angin kan natna chi hrang hrang a hmuh theih ta vek mai a ni. Zir ve ni mang si lova, google-a in ziak, damdawi lo ei ve ngawt te, exercise te kan ching a, thil \ha lo tak a ni. Hetianga awlsama hriat mai theih ni se doctor kum nga, specialist kum thum, kum riat zen zawn zir hi a ngai tawh lo ang.
A \henin damdawi side effect te an lo en chiam a, doctor chawh ngei pawh ei ngai lo ka hmu fo mai. Kan damdawi, a bikin keini, Allopathic damdawi ho ngat phei hi chu chemical a\anga siam a ni ber a. A \hatna leh hlauhawmna in tia rual pawh a tam hle. Heng hre reng chung hian damdawi kan chawh a ni reng a. Heng Homeopathy, Unani, Siddha damdawi te hi chu hnim leh thing lam a\anga siam a tam ber a, a thawh pawh a thawk muang, side effect pawh a nei vak lo tura ngaih an ni.
Engpawh ni se, Mizo tan chuan sap leh vai ho lehkhabu anmahni mil tura an siam hi keini mongoloid, tribal-ah pawh rhesus monkey thisen nei ho tan hian a in mil vek lem lo tih i hria ang u. Gout ringawt pawh ka research-ah chuan Mizo normal uric acid hi hniam tak a ni. A huat pawh a in ang ve lo. Kan Mizo te mil tur, thisen test-nate, damdawi dose leh ei leh ei loh turte hi hriat chhuah a hun ta. Thingpui sen hang leh tui tam tawk nileng in, i zun fim kar khawpin in \hin la, i nat theihna za a sawmnga zet chu a veng ang che.

Basketball-ah kan tel ve

| 0 comments ]


Dawrpui Vengthar Branch YMA Golden Jubilee Basketball Invitation Tournament-ah 1st Match chu 20 April, 2018 (Zirtawp) zan dar 8 khan Dawrpui Vengthar Court-ah khelin Chaltlang Branch YMA lakah  87-53 in hnehna kan chang a, 24.4.18 (Thawhlehni) tlai dar 4:00 khan Pre-quarter final-ah Ramthar Branch hneh lovin vanduai zawkah kan ṭang ta a ni.
YMA Property ni zui turin Basketball Jersy chu Tv. Zodinmawia (Mutea) Sports Sub Committee member-te chhungkuain an pa Pu R. Zomawia Hraitrengnan  an sponsor.

Pi Ngurbiaki hriatrengna Bass guitar pe

[ 19 April, 2018 | 0 comments ]

Pu Lalhlimpuia, Ex-Dawrpui Branch YMA Office Bearer te chhungkua chuan an Nu Pi Ngurbiaki (L) thih champha Kum 10-na pual leh amah hriatreng nan 18th April, 2018 (Nilai) zan khan Dawrpui Branch Y.M.A. hnenah Bass Guiter (Ibanez SR 300 EB) ṭha tak mai min pe a, kan mamawh em em leh kan lei mai theih siloh a ni a, hetianga an nu hriatreng nana min pe mai hi Dawrpui Branch Y.M.A. chuan thinlung takin an chhungkaw lawmthu a sawi a ni.

Hmalam hun-Thuruk ril

| 0 comments ]

- Vanhmingliana (Taua)
Kum 1956 vela phuah chhuah hla lar tak mai, Spanish hla Que Sera, Sera kha! Saptawnga a awmzia “Whatever will be, will be” A thunawnah chuan thil hriat thiam har tak maiin “Que Sera, Sera, Whatever will be, will be, the future not ours to see, Que Sera, Sera” a lo ti a. Eng tak lo thleng ang maw! Kan hma lam hun lah chu kan hriat leh hmuh theih a ni hauh si lova” tihna a ni ber awm e.
A dik hle mai ti rawh u! Hma lam hun engm,ah hi kan hre hauh si lova. Chuvang tak chuan mihringte hian kan hma lam hun hriat hi kan chak a, hriat theih dan tur kawng chi hrang hrang kan dap ruai mai zawng anih hi. Kan

2018 Dawrpui Branch YMA inchhiarna

| 0 comments ]

2018 hian YMA Member mi 1,684 kan awm mek a, nikum (2017) aiin member 97-in kan kiam a, chhungkua 4-in kan pung thung a, Dawrpui News la chhungkua 10-in kan pung bawk a. Chawngbawla Section-ah member 739 awmin member tamna ber an ni a. Taitesena leh Vanapa Section nena member inthlauhna chu T.Sect -279 / V.Sect.-254 a ni.

Chhiatna Fund leh Mitthi thing

| 0 comments ]

- Ziakkima Pachuau, Branch YMA Exe CM
Ka thu ziah hi min lo chhiar chhuah sak hram turin Dawrpui News dawngtu zawng zawngte ka ngen che u a, mi rilru tih hliam palh emaw, mi pawi sawi palhte emaw ka nei a nih chuan min lo hrethiam hram ula, ṭhahnemngaihna-ah min lo ngaihsak dawn nia.
Dawrpui Y.M.A. hian kum tinin veng chhung In tinah Chhiatni Fund kan khawn ṭhin a, he Chhiatni Fund hi Y.M.A. hian eng angin nge a hman a, eng tih nan nge a hman ṭhin hrelo tam tak kan awm mai thei a, chiang deuh zawkin han tarlang hmasa ila. 
Chhiatni Fund hi a hmanna pui ber chu Kuang atana thing lei nan a ni. Chu mai bakah chhiat kan tawh apiangin

Central Y.M.A. Cricket Tournament 2018

| 0 comments ]

1st Round : March ni 23, 2018 zing dar 9:00 khan Dawrpui Branch Cricket Team leh Venghnuai Branch Cricket Team-te chu inkhelin Wicket 2 in kan chak a. Venghnuai Branch lam hian bat hmasa in overs 20-ah run 121 an siam a, wicket 7 an hlauh. Kan Veng Bowlers ten wicket la vekin an vawm ṭha tlang hle. Run 121 hi um in kan Veng batsmen zingah Lalhmingliana Chongthu (Mahminga) Chawngbawla Section leh Lalrinawma (Captain), Vanapa Section te an che ṭha hle a. Mahminga hi Man of The Match ah thlan a ni. Players-te ei leh in hi Tv. Zodinmawia (Mutea) Chawngbawla Section chuan min tum sak vek a, a chungah players-te an lawm hle. 

2nd Round :  March ni 26, (Thawhṭanni) khan Ṭhuampui Branch nen chhun dar 12:30-ah Durtlang Field-ah an khel leh a, Run 9 in kan chak zo ta lo a ni. Tv. Lalhmangaiha (Amatea) chuan run 51 a siam.